ناڤهندا نووچهیان – سهما
ئیرۆ رێكهفتی 25/3/2026ێ، سهرۆكێ حكومهتا ههرێما كوردستانێ پشكداری د بههییا شەهیدێن پێشمهرگه ل قهزا سۆران دا كر، و سەرەخۆشیێن خۆ ئارستهی بنەمالێن وان و هەموو خەلکێ کوردستانێ کر و هیڤیا باشبوونا ب لەز بۆ برینداران خواست.
ههروهسان ههر د کۆنفرانسەکێ ڕۆژنامەڤانی دا، مەسرور بارزانی، سەرۆکێ حکومەتا هەرێما کوردستانێ، ب توندی ئیدانەیا هێرشێن مووشەکی کر یێن کو ژ لایێ ئیرانێ ڤە هاتینە ئارمانجکرن بۆ سەر بارەگههێن هێزێن پێشمەرگەی، و ڕاگەهاند کو ئەڤ هێرشە بێی چو ئەگەر بووینە و غەدرەکا مەزنە ل گەلێ کوردستانێ هاتیە کرن.
سەرۆکێ حکومەتێ د پەیاما خۆ دا تەکەزی کر كو خوونا شەهیدان ب خسار ناچت، ئەو پێشمەرگەهێن بووینە قوربانی، شەهیدێن “غەدر و خیانەتێ” نە.
دیارژی كر: وەلاتێن جیهانێ دلگران بووینه و پشتەڤانییا خۆ بۆ گەلێ هەرێما کوردستانێ دیار کرینە، دووپاتدكهم حکومەت هەر تشتەکێ پێدڤی بت بۆ پاراستنا ئارامییا هەرێمێ و وەلاتییان دێ ئەنجام دەت.
مهسرور بارزانی سهرۆكێ حكومهتا ههرێما كوردستانێ ئاماژە ب وێ چەندێ کر، کو ژ بەر ڤان شەهیدان ئەم ب سەربلندی دژین و ئەو ئومێدا شەهیدان دگەل خۆ بری، ئەم دێ ب جهـ ئینین.
شەڤا 24-3-2026، بارەگههێن فیرقەیا 7ێ یا سەر ب فەرماندەییا دەڤەرا ئێکێ یا پێشمەرگەی، د دوو دەمێن جودا دا ب مووشەکان هاتنە ئارمانجکرن، د ئەنجام دا ب مخابنی ڤە 6 پێشمەرگە شەهید بوون و 30 پێشمەرگەهێن دی ژی بریندار بوون.
