ناڤه‌ندا نووچه‌یان – سه‌ما
ئيرۆ پێنج شەمبوويێ، 15ی ئه‌یارا 2025، مەسرور بارزانی، سەرۆکێ حکومەتا هەرێما کوردستانێ، د پەیامه‌کێ دا ڕاگەهاند “ب هەلكەفتا 63 سالییا دامەزراندنا ئێكەتییا مامۆستایێن كوردستانێ، پیرۆزباهییێ ل سەرۆك و ئەندامێن مەكتەبا سكرتارییەتێ و هەموو مامۆستایێن كوردستانێ دكەم و سەركەفتنێ بۆ وان دخوازم.”
دپه‌يامێ دا سه‌رۆك وه‌زيران دبێژت: خەبات و بەرخۆدانا ئێكەتییا مامۆستایێن كوردستانێ و داكۆكیكرنا وان ل ماف و داخوازییێن مامۆستایێن كوردستانێ بلند د نرخینن و پێزانینێن مەزن بۆ مامۆستایێن كوردستانێ هەنە، كو ڕۆلەكێ گرنگ د پەروەردەكرن و فێركرنا نەڤییێن واندا دگێڕن.
سه‌رۆكێ حكومه‌تێ به‌حس ل وێ چه‌ندێ ژى كر ” هیڤییا وی ئەوە مامۆستایێن كوردستانێ ل سەر بنەمایەكێ باش و پەروەردەیەكا دروست و هزرا نیشتیمانپەروەری و حەز ژێكرنا كوردستانێ، نڤشەكێ داهێنەر و زانستخواز و ژنگەهـ دوست پێبگەهینن، بۆ هندێ ڕۆلەكێ كارا د پێشخستن و بەرەڤ پێشبرنا كوردستانێدا هەبت.”