ناڤەندا نووچەیان – سەما
برياره ل ده‌مژمێر 2ى پشتى نيڤرۆ، خه‌لكێ شنگالێ خرڤه‌بوونه‌كا نه‌رزايبوونێ ل دژى تێكچوونا ڕێكا شنگال – ته‌له‌عفه‌ر بكه‌ن.
ل گۆڕه‌ى زانياريێن ب ده‌ست سه‌ما كه‌فتين، ئيرۆ ڕۆژا پێنج شه‌مبوويێ 26ى كانوونا ئێكێ 2024ێ، خه‌لكێ شنگالێ دێ خرڤه‌بوونه‌كا نه‌رزايبوونێ ل دژى زێده‌بوونا روودانێن هاتن و چوونێ و تێكچوونا ڕێكا شنگال – ته‌له‌عفه‌ر كه‌ن، كو تا نوكه چه‌ندين كه‌س بووينه قوربانى و گيانێ خۆ ژده‌ستداينه.
سه‌ما زانيه، خه‌لكێ شنگالێ دێ ڤێ ڕێكێ بۆ ماوه‌يه‌كى گرن و داخوازا سه‌خبێركرنا ڕێكێ كه‌ن كو ببته جوتسايدێ هاتن و چوونێ، داكو روودانێن دلته‌زين روونه‌ده‌ن ڤه.
ڕێكا شنگال – ته‌له‌عفه‌ر ئێك ژ ڕێكێن سه‌ره‌كى و گرنگه هه‌ردو قه‌زايان پێكڤه گرێدده‌ت و ڕۆژانه هاتن و چوونه‌كا زۆر ل سه‌ر ڤێ ڕێكێ هه‌يه.