ناڤەندا نووچەیان – سەما
ره‌زامه‌ندى ل سه‌ر چێكرنا ڕێكا شنگال – ته‌له‌عفه‌ر هاته دان و ل نێزيك دێ ده‌ست ب ئه‌نجامدانا پرۆژه‌يى ئێته كرن.
ژ ئه‌گه‌رێ تێكچوونا ڕێكا شنگال – ته‌له‌عفه‌ر چه‌ندين روودانێن دلته‌زين رووداينه و ب ده‌هان كه‌س بووينه قوربانى.
مەحما خەلیل، ئەندامێ پەرلەمانێ عيراقێ راگەهاند، ژبەر زێدەبوونا روودانێن هاتن و چوونێ ل سەر ڕێکا شنگالێ بۆ تەلەعفەر، ب فەر زانی دگەل وەزارەتا ئاڤەدانکرن و ئاکنجیبوونا عيراقێ کار بکەین بۆ دووبارە قێرکرنا رێکێ.
ئەندامێ پەرلەمانێ عيراقێ ئاشكراكر: رەزامەندی هاتە دان هەردوو سایدێن هاتن و چوونێ بێنە قێرکرن ب مەرەما کێمکرنا روودانێن ترافیکێ ل سەر ڕێکا شنگالێ و ل نێزيك پرۆژه دێ ئێته بجهئينان.
دوهى ڕۆژا سێ شه‌مبوويێ 24-12-2024ێ، ژ ئه‌نجامێ روودانه‌كا هاتن و چوونێ ل سه‌ر ڕێكا ناڤبرى سێ وه‌لاتيێن ئێزدى ژ ئێک خێزان يێن خه‌لكێ شنگالێ گيانێ خۆ ژ ده‌ستدان.