ناڤەندا نووچەیان – سەما
گوندێ كه‌لهۆك يێ ئێزديان كو ب دارێ زۆرێ ژ ئێزديان هاتبوو ستاندن، جاره‌كا دى پشتى 13 سالان بۆ خه‌لكێ ڕه‌سه‌نێ گوندى هاته ڤه‌گه‌راندن ڤه.
گوندێ كه‌لهۆك دكه‌فته ده‌ڤه‌را به‌شيرێ به‌ريا 13 سالان خه‌لكێ گوندى كۆچبه‌رى ئه‌ورۆپا ببوون و نوكه دووباره هنده‌ك خێزانێن ئێزدى ڤه‌گه‌رياينه سه‌ر حال و مالێ خۆ ڤه.
پێنج شه‌مبوويێ 26ى كانوونا ئێكێ 2024ێ،نه‌ديم ئه‌ركه‌ش، چالاكڤانێ ئێزدى ل باكورێ كوردستانێ بۆ سه‌ما راگه‌هاند: ل مه‌ها 3ێ يا ئيساله دادگه‌ها باتمانێ برياره‌ك دبه‌رژه‌وه‌ندا خه‌لكێ گوندێ كه‌لهۆك دا ده‌ركر كو بۆ خه‌لكێ ڕه‌سه‌ن بێته ڤه‌گه‌راندن ڤه و نوكه كار ل سه‌ر وێ بريارێ دئێته كرن.
چالاكڤانێ ئێزدى ل باكورێ كوردستانێ ئاشكراكر: ده‌مێ كۆچبه‌ربوونا ئێزديان ل گوندى بۆ ئه‌ورۆپا، هنده‌ك مالباتێن نه ئێزدى دناڤ گوندى دا هاتبوون ئاكنجيكرن و پشتى 13سالێن دووڤچوون و داخوازكرنێ ئه‌ڤ كه‌يسه ل دادگه‌هێ هاتبوو ڤه‌كرن.
دا زانين ژى: هنده‌ك خێزانێن ئێزدى ڤه‌گه‌رياينه ڤه و دێ ل گوندێ باب و باپيران ده‌ست ب ژيانا خۆ كه‌نه ڤه وه‌كى هه‌رى جاران.