ناڤەندا نووچەیان – سەما
هێشتا نێزيكى 800 خێزانێن ئاواره ل كه‌مپا سه‌رده‌شتێ ل سه‌رێ چيايێ شنگالێ د دره‌وشه‌كا خراب دا دژين و ژ هاريكاريان بێ به‌هرن.
ل 3ى ته‌باخا 2014ێ ده‌مێ تيرۆرستێن داعشێ هێرشێ قه‌زا شنگالێ كرى، ب سه‌دان خێزانان بۆ رزگاربوون ژ كۆمكوژيێ خۆ گه‌هانده ده‌ڤه‌را سه‌رده‌شتێ ل چيايێ شنگالێ و تا نوكه ل وێده‌رێ ماينه.
شه‌مبوويێ 28ى كانوونا ئێكێ 2024ێ، عه‌لى شه‌مۆ، به‌رپرسێ گرۆپێ نوورەنگ یێ خۆبەخش ل كه‌مپا سه‌رده‌شتێ بۆ سه‌ما راگه‌هاند: ئه‌ڤه ماوێ 10 سالانه نێزيكى 800 خێزانێن ئاواره‌يێن شنگالێ ل كه‌مپێ دا دره‌وشه‌كا خراب و ب زه‌حمه‌ت دا دژين و نوكه چ رێكخراوێن مرۆڤى و خێرخوازى ل كه‌مپێ نه‌ماينه كو هاريكاريا ئاواران بكه‌ن.
به‌رپرسێ گرۆپێ نوورەنگ ئاشكراكر:” نوكه وه‌رزێ زڤستانێ يه و ئاواره‌يێن كه‌مپێ پێدڤى ب هاريكاريانه، ئه‌م داخوازێ ژ هەموو رێکخراوێن مرۆڤايه‌تى و خێرخوازی دكه‌ين دەستێ هاریکاریێ بگەهیننه ڤان خێزانان”.
كه‌مپا سه‌رده‌شتێ يا ئاواره‌يێن شنگالێ، ب فه‌رمى ژلايێ وه‌زاره‌تا كۆچ و كۆچبه‌رێن عيراقێ ڤه هاتيه دائێخستن و پشتگوهـ خستن.