ناڤەندا نووچەیان- سەما
ئیرۆ ئینیێ، 6ی شووباتا 2026، خالد سەیدۆ، نوونەرێ کۆتایا ئێزدییان ل پەرلەمانێ عێراقێ و فەلاح عماش، فەرماندەیێ پۆلیسێن نەینەوا پەیوەندییەکا تێلەفۆنی ئەنجامدان و دوپاتی ل پاشخستنا بڕیارا ڤەگوهاستنا پۆلیسان ل شنگالێ کر.
لدووڤ نڤیسینگەها ڕاگەهاندنا پەرلەمانتار خالد سەیدۆ، نوونەرێ کۆتایا ئێزدییان ل پەرلەمانێ عێراقێ، د وێ پەیوەندییا تێلەفۆنی دا بڕیارا ڤەگوهاستنا 15 پۆلیسێن پاراستنا جهان یێن خەلکێ شنگالێ بۆ ناحیەیا عەیازییە بۆ دەمەکێ دی هاتە پاشئێخستن، کو دەڤەرێ پێدڤی ب ئەوان هەیە.
هەروەسا ئاماژە ب وێ چەندێ دا، وەکو پشتەڤانی بۆ پۆلیسان ئەڤ بڕیارە هاتە دان، داکو بکارن ئەرکێ خۆ ل نێزیک خێزان و د چارچۆڤێ دەڤەرێن خۆدا ئەنجام بدەن.