ناڤەندا نووچەیان – سەما
ئيرۆ شه‌مبوويێ 28-12-2024ێ، پارێزگارێ نه‌ينه‌وا عه‌بدولقادر ده‌خيل، سه‌ره‌دانا قه‌زا شێخان كر و ل گه‌ل بابێ شێخێ ئێزديان كۆمبوو.
د ديدارێ دا پارێزگارێ نه‌ينه‌وا پيرۆزباهى ل بابێ شێخ، شێخ عه‌لى ئه‌لياس و ته‌ڤايا ئێزديان كر ب هه‌لكه‌فتا جه‌ژنا ڕۆژيێن ئێزى.
د پشكه‌كا دى يا ديدارێ دا، پارێزگارێ نه‌ينه‌وا ئاماژه ب وێ چه‌ندێ دا، ئه‌م گه‌له‌كێ ئێكگرتى نه و و تيرۆر و توندره‌ويێ قه‌بوولناكه‌ين و نكارن هه‌ڤگرتنا مه يا جڤاكى ژ ناڤ ببه‌ن.
ده‌رباره‌ى پرۆژه‌يێن خزمه‌تگۆزارى بۆ ده‌ڤه‌رێن ئێزديان، پارێزگارێ نه‌ينه‌وا گۆت: به‌رێ بنياتى بۆ پرۆژێ نه‌خۆشخانا شنگالێ هاتيه دانان و ڕێكا شنگال – ته‌له‌عفه‌ر دێ ئێته سه‌خبێركرن، زێده‌بارى ئاڤاكرنا نه‌خۆشخانه‌كا 50 ته‌ختى ل ناحيا سنوونێ.
ديار ژى كر، كار دكه‌ين خزمه‌تگۆزاريێن باشتر پێشكێشى ئێزديان بكه‌ين ب ڕێكا ئه‌نجامدانا پرۆژه‌يێن گرنگ ل شنگالێ.