سه‌ما
ده‌رهێنه‌رێ گه‌نجێ ئێزدى سه‌رهات نه‌ریمان، فلمه‌كێ نوو ب ناڤێ (چیرۆكێن نه‌گۆتی یێن داستانا شه‌همه‌رانێ) به‌رهه‌م ئینایه و باس ل چيرۆكا وى دكه‌ت.
سه‌رهات نه‌ریمان، ده‌رهێنه‌رێ فلمى بۆ سه‌ما گۆت: چيرۆكا فلمى باس ل گه‌نجه‌كى دكه‌ت، ئه‌و ژى شێركۆ گه‌نجه‌كێ نیگاركێشێ ئێزدییه وی دڤێت ب ڕێكا تابلۆ و نیگارێن خۆ داستانا شه‌همه‌رانێ دناڤ خه‌لكی دا به‌لاڤ بكه‌ت، له‌ورا گه‌شته‌كێ دناڤ باژێری دا دكه‌ت ب هیڤیا وێ چه‌ندێ داستانا ژبیركری یا كوردی ل ته‌ڤایا جهێ ژ دایكبوونا خۆ به‌لاڤـ بكه‌ت، به‌لێ كارێ وی یێن هونه‌ری دئێنه دزین، شێركۆ بۆ ڤه‌گه‌راندنا كارێ خۆ ئه‌ركێ وی زه‌حمه‌تتردبت، شه‌ڕه‌كی نه‌بتنێ بۆ تابلۆیا خۆ به‌لكو بۆ كلتور و موزیك و میراته‌كێ هاتیه دزین دكه‌ت كو ژلایێ كه‌سێن دی ڤه كو بانگه‌شه‌یا وێ چه‌ندێ دكه‌ن كو به‌رهه‌مێ وانه.
ده‌رهێنه‌رێ فلمى گۆتژی: شێركۆ دناڤ باژێری دا بتر ژ دزییه‌كێ ئاشكه‌را دكه‌ت و په‌ردێ ل سه‌ر ناسنامه‌یا كوردی دا ڕادكه‌ت، كو به‌لگه‌یه كو چ جاران نكارن روحا ڕاسته‌قینه یا كلتورێ كوردی بێـته ونداكرن و دزین.
ديار ژى كر، فلمێن چیرۆكێن نه‌گۆتی ژ نڤیسین و ده‌رهێنانا وى بوویه، ئەکتەرێ سەرەکی هەگەر هادی و ئەکتەرێن لاوەکی دلدار نایف،ڤەگەر نەوزاد،گەشڤین جەلال،سەباح ئەمین، جۆڤان خودێدا، وێنەگرتن و مونتاژ سەرهات نەریمان، پرۆدوسەر سەهه‌ند عه‌بدال ، ستافێ پشت کامیرێ ژی هنوێت بەرجەس ،بلند نەوزاد،گەشڤین جەلال.
ب گۆڕه‌ى گۆتنا ده‌رهێنه‌رى، ل ئاینده‌یه‌كێ نێزیكدا دێ پشكداریێ د فلمه ڤیسته‌ڤالان دا كه‌ن.