ل 2024ێ دا سەرۆک وەزیران، هەرێما کوردستانێ پرۆژەباران کر

كوردستان 24:
د سالا 2024ێ دا سەرۆک وەزیران مەسرور بارزانی ب دەهان پرۆژێن بازرگانی، چاندنێ، وەبەرهێنانێ و وارێن دی ل باژار و باژاروکێن هەرێما کوردستانێ ڤەکرینە و به‌رێ بنياتى یێ دەهان پرۆژێن دی ژی دانایە.
ئەڤ پرۆژێن ل سالا 2024ێ ل هەولێرێ هاتینە ڤەکرن یان به‌رێ بنياتى بۆ هاتیە دانان:
پارێزگەها هەولێرێ

رۆژا 8ێ ئیلۆنا 2024ێ، مەسرور بارزانی، سەرۆکوەزیرێن هەرێما کوردستانێ، به‌رێ بنياتى یێ پرۆژێ هاوارهاتنا بلەز یێ ئاڤا هەولێرێ دانا.
رۆژا 26ێ تشرینا دوویێ 2024ێ، مەسرور بارزانی، سەرۆکوەزیرێن هەرێما کوردستانێ، به‌رێ بنياتى یێ ناڤەندا هشیارکرن و چارەسەرکرنا کەسێن مادێن هۆشبەر بکاردئینن ل هەولێرێ دانا.
رۆژا 16ێ تشرینا ئێکێ یا 2024ێ، مەسرور بارزانی، سەرۆکوەزیرێن هەرێما کوردستانێ، بەنداڤا گۆمەسپانێ ڤەکر، و د هەمان دەم دا به‌رێ بنياتى یێ جوتسايدێ یێ گۆمەسپان – سماقووڵيێ دانا.
رۆژا 18ێ ئیلۆنا 2024ێ، مەسرور بارزانی، سەرۆکوەزیرێن هەرێما کوردستانێ، به‌رێ بنياتى یێ مەزنترین نەخۆشخانا چارەسەرکرنا شێرپەنجێ، ل سەر ئاستێ هەرێما کوردستانێ و عیراقێ، ل باژێرێ هەولێرێ دانا.
رۆژا 17ێ ئیلۆنا 2024ێ، مەسرور بارزانی، سەرۆکوەزیرێن هەرێما کوردستانێ، به‌رێ بنياتى یێ پرۆژا ئاڤا قوشتەپێ ل پارێزگەها هەولێرێ دانا.
رۆژا 17ێ ئیلۆنا 2024ێ، مەسرور بارزانی، سەرۆکوەزیرێن هەرێما کوردستانێ، ل قەزا خەباتێ به‌رێ بنياتى یێ 15 باخچێن زارۆکان و قوتابخانێن حکوومەتی دانا.
رۆژا دووشەمبوويێ 16ێ ئیلۆنا 2024ێ، مەسرور بارزانی، سەرۆکوەزیرێن هەرێما کوردستانێ، به‌رێ بنياتى یێ بەنداڤا دوینێ ل پارێزگەها هەولێرێ دانا.
رۆژا 24ێ ئیلۆنا 2024ێ، مەسرور بارزانی، سەرۆکێ حکومەتا هەرێما کوردستانێ، پرۆژا گرێدانا جادا 120 مەتری ل نێزیکی گوندێ گەزنێ، ب رێکا سەرەکی یا هەولێر-دهۆک ڤەکر.

پارێزگەهێن سلێمانی و هەڵەبجە:

رۆژا 22ێ شوباتا 2024ێ، مەسرور بارزانی، سەرۆکێ حکومەتا هەرێما کوردستانێ سەرەدانا پارێزگەهێن سلێمانی و هەڵەبجە کر و به‌رێ بنياتى یێ ڕێکا هەڵەبجە-تووەقوت و قلیجە و پرا تووەقوتێ دانا.

پارێزگەها دهۆکێ و ئیدارا سەربەخۆ یا زاخۆ:

رۆژا 21ێ ئیلۆنا 2024ێ مەسرور بارزانی، سەرۆکوەزیرێن هەرێما کوردستانێ، به‌رێ بنياتى یێ جوتسایدێ شێخان-لالش ل پارێزگەها دهۆکێ دانا.
رۆژا شەمبوويێ 21ێ ئیلۆنا 2024ێ، مەسرور بارزانی، سەرۆکێ وەزیرێن هەرێما کوردستانێ، به‌رێ بنياتى یێ کارگەها سلیڤانا ل زاخۆ دانا.
رۆژا 6ێ 11ێ 2024ێ، مەسرور بارزانی سەرۆکوەزیرێن هەرێما کوردستانێ،، د رێورەسمەکێ دا، به‌رێ بنياتى یێ بازارێ نوو یێ فێقی و زه‌رزه‌واتى ل ئاکرێ (عەلوە) دانا.
رۆژا دووشەمبوويێ، 03-06-2024ێ، مەسرور بارزانی، سەرۆکێ حکومەتا هەرێما کوردستانێ د رێورەسمەکێ دا، به‌رێ بنياتى یێ هەردوو پارکێن ئالۆکا و سەرهەلدانێ ل تاخێ (بەرۆشکێ) یێ باژێرێ دهۆکێ، دانا.

ئیدارا سەربەخۆ یا راپەرین

رۆژا 27ێ گولانا 2024ێ، سەرۆکێ ئەنجومەنێ وەزیران، د رێورەسمەکێ دا، ل ئیدارا سەربەخۆ یا راپەرین، پرا دەربەندی ڕانیێ ڤەکر.