سه‌ما
رێڤه‌به‌رێ گشتييێ كاروبارێن ئێزديان ل وه‌زاره‌تا ئه‌وقاف و كاروبارێن ئايينى ل حكومه‌تا هه‌رێما كوردستانێ دبێژت: پێنگاڤ ژلايێ رێڤه‌به‌ريا گشتى ڤه هاتينه هاڤێتن بۆ رێكخستنا ياسايا كاروبارێن كه‌سايه‌تى.
سعود مستۆ، رێڤه‌به‌رێ گشتييێ كاروبارێن ئێزديان ل وه‌زاره‌تا ئه‌وقافێ بۆ سه‌ما ڕاگه‌هاند: چه‌ندين پێنگاڤ ژلايێ رێڤه‌به‌ريا گشتى ڤه هاتينه هاڤێتن بۆ رێكخستنا ياسايا كاروبارێن كه‌سايه‌تى و پشته‌ڤانيێ بۆ سه‌رئێخستنا هه‌ر پێنگاڤه‌كێ دكه‌ين دخزمه‌تا جڤاكا ئێزديان دابت.
ته‌كه‌ز ل وێ يه‌كێ ژى كر، پێشنيارێن ده‌ستكاريكرنێ دياسايا كاروبارێن كه‌سايه‌تى يا ژماره 188 يا سالا 1959 يا عيراقێ كاريگه‌ريا خۆ ل سه‌ر كێمينه‌يێن ئۆلى دێ هه‌بت.
ياسايا ناڤبرى پشته‌ڤانيێ ل هه‌ڤژينيا پێشت وه‌خت دكه‌ت كو كچ دبن ته‌مه‌نێ 18 ساليێ دا بێته ماره‌كرن و ڤێ چه‌ندێ كێمينه‌يێن ئۆلى و ب تايبه‌ت ئێزدى دلگران كرينه.