ناڤەندا نووچەیان – سەما
بۆ بجهئینانا راسپارده وبریارێن حكومه‌تا هه‌رێما كوردستانێ ل دور پاراستنا ژینگه‌هێ، ئيرۆ سپێدێ رۆژا دووشه‌مبوويێ 13ى كانوونا دووێ 2025ێ، د.”عه‌لى ته‌ته‌ر” پارێزگارێ دهۆكێ ب ئاماده‌بونا “ماجد سه‌ید سالح” جێگرێ پارێزگارێ دهۆكێ كۆمبوونه‌كا به‌رفره‌هـ دگه‌ل ده‌ڤه‌ردار ورێڤه‌به‌ریێن په‌یوه‌ندیدار ئه‌نجامدا.
دكۆمبوونێدا پارێزگارێ دهۆكێ ئاماژه‌دا ناڤه‌روكا كۆمبوونا دوهى رێكه‌فتى 12-1-2025 یا كۆ ب سه‌روكاتیا به‌رێز مه‌سرور بارزانى سه‌روكێ حكومه‌تا هه‌رێما كوردستانێ هاتیه ئه‌نجامدان كۆ یا تایبه‌ت بۆ ب پاراستنا ژینگه‌هێ وبریار وراسپاردێن دكۆمبوونێدا هاتینه دان بۆ ئاماده‌بویا به‌رچاڤكرن ودوپاتكر كۆ دڤێت هه‌موو بریار وراسپارده ب هوربینى ژلایێ فه‌رمانگه‌هێن په‌یوه‌ندیدار بهێنه ئه‌نجامدان.
پاش پارێزگارێ دهۆكێ دكونفراسه‌كێ رۆژنامه‌ڤانیدا بریار وراسپاردێن كۆمبوونێ به‌رچاڤكرن وهیڤى خاستن هه‌موو لایه‌ن وهاوڵاتى ژى پێگیریێ پێ بكه‌ن وبجهبینن وسه‌رپێچكار ژى دێ ل دووڤ یاسا ورێمنایا هێنه سزادان.
1- هه‌موو پاڵاوگه‌هێن نه یاسایى ومه‌رجێن كاركرنێ ل ده‌ڤ نه‌بن ئێكسه‌ر هه‌ر ئه‌ڤرۆ دێ هێنه دایخستن ویێ بڤێت پاڵاوگه‌هه‌كێ ڤه‌كه‌ت دڤێت ل دووڤ رێنمایێن وه‌زراه‌تا سامانێن سروشتى بیت.
2- هه‌ر كارگه‌هه‌كا ل دووڤ مه‌رجێن حكومه‌تا هه‌رێمێ كارنه‌كه‌ت وژینگه‌هێ تێكده‌ت دێ هێته دایخستن.
3- هه‌ر ئامیره‌ك یان موه‌لیده‌كا دوكێلێ وده‌نگى بكه‌ت وژینگه‌هێ پیسكه‌ت دێ هێته دایخستن ودڤێت فلته‌ر ل سه‌ر بهێنه دانان وبهێنه بێده‌نكرن.
4- هه‌موو جورێن سوته‌مه‌نیێ ئه‌وێن دهێته دناڤ هه‌رێمێ وپارێزگه‌هێ دا وئه‌وێن ل ناڤ خویى دهێته به‌رهه‌مئینان دێ دڤێت ژجورێن باش بیت و ل دووڤ ستاندارتێت وه‌زراه‌تا سامانێت سروشتى بیت.
5- راگرتنا وان ترومبێلا ئه‌وێن دوكیلا پیس ل ناڤ باژێرا دكه‌ن ودبنه هوكار بۆ پیسكرنا ژینگه‌هێ وته‌ندورستیا گشتى یا هاوڵاتیا.
6- نه‌هێلانا وان بیستانا ئه‌وێن گیایى وكه‌سكاتیێ ل به‌ر ئاڤا پیس دچینن .
7- نه‌هێلانا دیاردا سوتنا گژو وگیایى ل ناڤ بیستانا وزه‌ڤیێن چاندنێ و هاڤیتنا به‌رمایكێن ئاڤاهى وخانى ل جهێن ده‌ست نیشانه‌كرى.
پارێزگارێ دهۆكێ دوپاتكر كۆ دڤێت ده‌زگه‌هێن په‌یوه‌ندیدار ڤان بریارا بجهبینن وهاولاتى ژى سه‌رپێچیا نه‌كه‌ن وده‌زگه‌هێن راگه‌هاندنێ ژى هشیاریا كومه‌ڵایه‌تى ل دور گرنگیا ژینگه‌هێ به‌ڵاڤكه‌ن.