ناڤەندا نووچەیان – سەما
جڤاتا روحانى يا بلند يا ئێزديان دكۆمبوونا خۆ دا25گڕامێن زێرى بۆ نه‌ختێ كچێ جێگيركرن و هه‌فتيه‌ك موله‌ت دايه مه‌زن و موختارێن ئێزديان بۆ ئێكلانكرنا نه‌ختى.
لدووڤ نڤيساره‌كا فه‌رمى كو ب ده‌ست سه‌ما كه‌فتيه، ل ڕۆژا 11-1-2025ێ، جڤاتا روحانى يا بلند يا ئێزديان كۆمبوونا خۆ ب سه‌رپه‌رشتيا مير حازم ته‌حسين به‌گ، ميرێ ئێزديان و سه‌رۆكێ جڤاتێ كر و تێدا نه‌ختێ كچێ ل نك ئێزديان گه‌نگه‌شه‌كرن، پشتى به‌هايێ زێرى بلندبوويى.
هه‌روه‌سا تێدا هاتييه، پشتى پتريا ئێزديان داخازا كێمكرنا نه‌ختێ كچێ كرى، ميرێ ئێزديان پێشنياركريه 25گڕامێن زێرى يێن عه‌يار21 بۆ نه‌ختێ كچێ بێنه دياركرن.
هه‌ر ل گۆڕه‌ى نڤيسارێ، جڤاتا روحانى ماوێ هه‌فتيه‌كێ دايه سه‌رۆك هۆز و موختار و ريهسپيێن ئێزديان بۆچوونا خۆ ل دۆر دياركرنا نه‌ختێ كچێ بده‌ن.
چاڤێ گه‌نجێن ئێزدى ل بريارا نوو يا جڤاتا روحانى يه بۆ دياركرنا نه‌ختێ كچێ، داكو پرۆسه‌يا هه‌ڤژينيێ پێك بينن.