ناڤه‌ندا نووچه‌يان – سه‌ما
ب مه‌ره‌ما پيرۆزباهيكرنا جه‌ژنا چلێ زڤستانێ، د.كاروان محەمەد سابیر، ژ نڤيسینگەها رێزدار مەسرور بارزانی و شانده‌كێ ده‌سته‌يا بلندا بنگه‌هێ لالش ل دهۆكێ سه‌ره‌دانا په‌رستگه‌ها لالش كر.
شه‌مبوويێ 1ى شوباتا 2025ێ، د.كاروان محەمەد سابیر، ژ نڤيسینگەها رێزدار مەسرور بارزانی و سه‌عيد جردۆ، سه‌رۆكێ بنگه‌هێ لالش ب ياوه‌ريا شانده‌كى ده‌سته‌يا بلند سه‌ره‌دانا په‌رستگه‌ها لالش كر و پشكدارى رێوره‌سمێن ئێڤارييا جه‌ژنا ڕۆژيێن چلێ زڤستانێ بوون و ژلايێ بابێ شێخێ ئێزديان ڤه هاتنه پێشوازيكرن.
شاندى پيرۆزباهى ل بابێ شێخ و ته‌ڤيا چله‌گرا و ئێزديان كر، ب هه‌لكه‌فتا جه‌ژنا ڕۆژيێن چلێ زڤستانێ كو دكه‌فته 2ى شوباتێ و خواستن جه‌ژنا خێر و خۆشيێ بت بۆ ته‌ڤايا پێكهاتێن كوردستانێ و هه‌ر ساڵ جه‌ژنێن خۆ ب ئازادى بگێرن.