ناڤه‌ندا نووچه‌يان – سه‌ما
په‌رله‌مانتاره‌كا ئێزدى ل په‌رله‌مانێ عيراقێ ئاشكراكر، پرۆژه ياسايه‌كا نوو بۆ جينۆسايدا ئێزديان دێ به‌رهه‌ڤ كه‌ين و ل ده‌مێن بێت دێ كار ل سه‌ركه‌ين.
د. ڤيان ده‌خيل، ئه‌نداما په‌رله‌مانێ عيراقێ ل سه‌ر فراكسيۆنا پارتى ديموكراتى كوردستان بۆ سه‌ما گۆت: پرۆژه ياسايه‌ك هه‌بوو گه‌له‌ك مه‌رج ژلايێ ياسايى ڤه تێدا نه‌بوون، له‌ورا نوكه ئه‌م پرۆژه ياسايه‌كا دى به‌رهه‌ڤ دكه‌ين كو هه‌موو مافێ ئێزديان تێدا بن.
ئه‌نداما په‌رله‌مانێ عيراقێ ئاماژه ب وێ چه‌ندێ دا، ل ده‌مێن بێت دێ ل سه‌ر وێ ياسايێ كار كه‌ين و ب رێڤه‌به‌ين.
هه‌تا نوكه زێده‌ترى 2000 ره‌ڤانديێن ئێزدی بێسەروشوونن و چەندین گۆڕێن ب کۆم تا نوكه نه‌هاتينه هەڵدان، سەرباری هندێ زێده‌تر ژ 200 هەزار وه‌لاتيێن ئێزدی ل ناڤ کەمپان ژیانا خۆ دبەنه‌سەر، هێشتا بەرچاڤێ وان يا روون نینە کەنگى پەرلەمان و حکومەتا فیدراڵى دێ داويێ ب وى کەیسى ئينن.