ناڤه‌ندا نووچه‌يان – سه‌ما
ب بزاڤێن ئەندامێن کورد ل جڤاتا پارێزگەها نەینەوا و پەرلەمانتارێن پارتی ل بەغدا، دێ پێنج نەخۆشخانە ل دەڤەرێن کوردستانیێن دەرڤەی ئیدارا هەرێمێ ئێنە ئاڤاکرن.
پێنج شه‌مبوويێ 6ى شوباتا 2025ێ، د. ئەحمەد نازم دووبەردانی، ئەندامێ جڤاتا پارێزگەها نەینەوا بۆ سه‌ما راگەهاند: نەخۆشخانەکا 100 تەختی دێ ل شنگال و باشیک و بەحزانێ، نەخۆشخانەکا 50 تەختی ل ناحيێن زوممار، فەیدیێ و وانکێ ژی ئێنە ئاڤاکرن.
ئەندامێ جڤاتا پارێزگەها نەینەوا ديار ژى كر، هەموو خزمەتێن ساخله‌ميێ دناڤ ڤان نەخۆشخانه‌يێن دئێنه ئاڤاكرن دێ هەبن.
ئاڤاكرنا ڤان نه‌خۆشخانه‌يان ب بزاڤێن ئەندامێن کورد ل جڤاتا پارێزگەها نەینەوا و پەرلەمانتارێن پارتی ل بەغدا بووويه.