ناڤه‌ندا نووچه‌یان – سه‌ما
رێڤه‌به‌رێ كۆچ و كۆچبه‌ران و به‌رسڤدانا قه‌يرانان ل پارێزگه‌ها دهۆكێ راگه‌هاند، ژبەر بریارەکا سه‌رۆكێ ئەمریکا به‌رنامه‌يێ ڤه‌گه‌راندنا ئاواره‌يێن شنگالێ ژلايێ رێكخراوه‌كێ ڤه هاتە ڕاوەستاندن.
سێ شه‌مبوويێ، 11ـی شوباتا 2025، پير ده‌يان جه‌عفه‌ر، رێڤه‌به‌رێ كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ بۆ سه‌ما راگه‌هاند: پشتى دونالد ترامپ، سه‌رۆكێ ئه‌مریكا بريارا راگرتنا هاریكاریێن دارايى بۆ رێكخراوان دايى، ب تنێ بەرنامێ رێکخراوا(IOM) يا كۆچا نێڤ ده‌وله‌تى بۆ ڤه‌گه‌راندانا ئاوارەيان ژ کەمپان بۆ شنگالێ نوكه ڕاوەستيايه.
پير ده‌يان، دبێژت:” ئه‌ڤ بريار بوویە ئەگەر كارتێكرنه‌كا مه‌زن ل ئاوارە و پەنابەران بێتە کرن “.
پێشتر ب ڕێكا رێکخراوا(IOM) يا كۆچا نێڤ ده‌وله‌تى ب ده‌هان خێزانێن ئاواره‌يێن شنگالێ ل كه‌مپێن دهۆكێ ڤه‌گه‌ريانه سه‌ر ده‌ڤه‌رێن خۆڤه.