ناڤەندا نووچەیان – سەما
دادگەها ڤەکۆلینێ یا کەرخ ئێك، قۆناغا ڤەکۆلینێ ل دۆسیەیا 5 ههزار و 704 زیندانیيێن داعشێ ب داوی ئینا، کۆ پێشتر ژ سووریێ بۆ عێراقێ هاتبوونە ڤەگوهاستن. نهۆ ڕێکارێن ڕەوانەکرنا دۆسیەیان بۆ دادگەها تایبەتمەند دەستپێکرینە و ئەڤ پێنگاڤە ل دووڤ بەلگە و ڕاستيیێن سەلماندی ل دۆسیەیێن واندا ب ڕێڤە دچت.
ئيڕۆ سێشەمبێ، 1ـی ئەیلوولێ 2026، جڤاتا بلند يا دادوەری يا عێراقێ د ڕاگەهاندنهكێ دا ئاشکراكر، قۆناغا ڤەکۆلینێ ل دۆسیەیا 5 ههزار و 704 زیندانیيێن داعشێ ب داوی هات. ئاماژە ب هندێ ژی کر کو ڤەکۆلینێن دەستپێکی ل شوباتا 2026ێ دەستپێکربوون و ب ڕێیا وردبینیکرنا بەلگەیان بەردەوام بوون ههتا دۆسیەیا وان کەسان هاتینە ئێکلاییکرن. ئەڤ کەسە هەلگرێن ڕەگەزنامەیێن 67 وەلاتانە، د ناڤدا 16 ڕەگەزنامەیێن عەرەبی، 19 ڕەگەزنامەیێن وەلاتێن ئێکەتییا ئەورۆپا و 32 ڕەگەزنامەیێن بیانیێن دی نە.
ب گۆڕهيى ڕاگههاندنێ، دۆسیەیان تاوانێن نێڤدەولەتی ب خۆڤه گرتبوون، د ناڤدا دەستنیشانکرنا شەش زیندانییان کو ڕۆلێ سهرهكى د تاوانێن رهڤاندن، و کڕین و فرۆتنا كچ و ژنێن ئێزدی دا هەبوو.
ل سالا 2025ێ، ل وی دەمی دەما ئالۆزی د ناڤبەرا هەسەدە و حکومەتا دەمکی یا سووریێ دروست بوویى، هێزێن هەسەدێ ئەڤ کەمپ و زیندانێن چەکدارێن داعشێ و کەسوکارێن وان تێدا دەستبەسەر هێلان. ب ئەگەرێ هندێ ژمارەیەک ژ ئەندام و چەکدارێن داعشێ ڕەڤین، هەروەسا بتر ژ 5 ههزار و 700 چەکدارێن داعشێ ب هاريکارییا هێزێن ههڤپەیمانان بۆ عێراقێ هاتنە ڤەگوهاستن و دادگەهـ کرن.