ناڤه‌ندا نووچه‌یان – سه‌ما
پرۆژێ به‌ريكانا لالش ” پرسيار وخەلات “، كو ژلايێ ده‌سته‌يا بلندا بنگەهێ لالش وتايى ونڤيسينگەهێن ب سەرڤە دئێتە ئەنجامدان، دێ ل قوتابخانا ئامادەیا باعەدرێ یا تێکەل ل ناحيا باعه‌درێ ده‌ست پێ كه‌ت.
بنگه‌هێ لالش تايێ باعه‌درێ مه‌رجێن به‌ريكانێ به‌لاڤكرينه و دبێژت؛ ل رێككه‌فتى 4-3-2025ێ، پرۆژێ به‌ريكانا لالش ” پرسيار وخەلات “، دێ ده‌ست پێ كه‌ت و پێكدئێت ژ پرسيارێن ئاينى، مێژوويى، نشتيمانى و گشتى.
بنگه‌هێ لالش مەرجێن بەشداربوونێ بۆ وان كه‌سان يێن دڤێن به‌شدار بن و خه‌لاتێن به‌ريكانێ به‌لاڤكرينه ل دووڤ شێوێ ل خوارێ ده:
– ژدايك بوويێن 1985 تا 2013 مافێ بەشداربوونێ هەیە.
– ناڤێ خۆ ل بنگەهێ لالش تايێ باعەدرێ تۆماركەت.
– هەر کەسێ ناڤێ وى دناڤ تۆمارا بەشداربوونێ دا نەبت وى ماف نابت بەشدار بت.
– ب هيچ شێوەکی نابت بەشداربووى موبايل وهەر ئاميرەکی ئەلكترۆنى دگەل خۆ بينت.
– فەرە بەشداربووى بەلگەنامەکێ مينا (كارتا نشتيمانى…..هتد) دگەل خۆ بینت.
خەلاتێن بەريكانێ:
– سەركەفتيێن( 1-2-3) بوۆ هەر ئێک ژوان (200,000) دووسەد هەزار دينار.
– سەركەفتيێن (4-5-6) بۆ هەر ئێک ژوان (150,000)
سەد وپێنجی هەزار دينار.
– سەركەفتيێن (7-8-9-10) بۆ هەر ئێک ژوان (100,000) سەد هەزار دينار.
– سەركەفتيێن (11-12-13-14-15) بۆ هەر ئێک ژوان (50,000) پێنجی هەزار دينار.
جھ / قوتابخانا ئامادەیا باعەدرێ یا تێکەل
رۆژ / سێ شەمبوو
ده‌مژمێر /11ی سبێ
رێکەفت 4-3-2025
به‌ريا چه‌ند رۆژان، بۆ گه‌شه‌پێدانا شیانێن وان، پرۆژێ به‌ريكانا لالش بۆ نێزيكى 500 قوتابى و لاوان ژ هه‌ردوو ڕه‌گه‌زان ل ناحیا خانكێ هاته ئەنجامدان.
د ناڤا به‌شداربوويان دا 15كەسان ب گۆڕەى ڕێزبەندیێ، باشترین نمرە بده‌ستڤه‌ئينابوون، د رێوره‌سمه‌كا ژ هه‌ژى دا هاتنە خەلاتكرن.
بریارە پرۆژێ ناڤبرى ل سەرجەم دەڤەرێن ئێزدیان بێتە بجهئينان و گەنج و قوتابیێن ئێزدى ژێ مفادار ببن.