ناڤەندا نووچەیان – سەما
پشتى وهزارهتا پلاندانانا عێراقێ ئاوارهيێن شنگالێ ل كهمپان د سهرژمێرييا گشتى دا ههژمار نهكرين، نوكه بڕيار ل سهر زێدهكرنا ڕێژهيا ئاكنجيێن شنگالێ هاتيه دان و كار ل سهر بجهئينانێ دئێته كرن.
د. خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزديان ڕاگههاند: دچارچووڤێ چارهكرنا ڕێژهيا ئاكنجيان تايبهت ل شنگالێ و گرعزێر پشتى سهرژمێرييا گشتى، ل سهر داخوازييا قايمقاميا قهزا شنگالێ بۆ نڤيسينگهها سهرۆكوهزيران، مه كار ل سهر چارهكرنا ڤێ پرسێ كر و ڕێكارێن زێدهكرنا ئاوارهيێن شنگالێ يێن ل ههرێما كوردستانێ ئاكنجى دچارچووڤێ دهڤهرێن وان يێن ڕهسهن دا دهستپێكرن.
شێوهرمهندێ سهرۆكوهزيرێن عێراقێ گۆتژى: ئەڤه پێنگاڤهكا دادپەروەرانەیە بۆ شنگال و گرععزێرێ و ڕاستكرنا نهههژمارتنا ئاوارە و کۆچبەرانه د چارچووڤێ دهڤهرێن وان يێن ڕهسهن دا ل دهمێ ڕاگەهاندنا ئەنجامێن سەرژمێریێ دا.
ههروهسا ئاماژه ب وێ چهندێ دا، ئهم دێ بهردهوام بين ل سهر دووڤچوونا ڤى بابهتى ل گهل وهزارهتا پلاندانانێ و لايهنێن پهيوهنديدار، ب ههماههنگى ل گهل قايمقاميا قهزا شنگالێ و ڕێڤهبهريا ناحيا گرعزێر، بۆ دلنيابوون بۆ تۆماركرنا ئاكنجيێن ڕهسهن يێن ئاواره و كۆچبهر ل دهڤهرێن وان.
ل ڕێككهفتى 26-11-2025، وهزارهتا پلاندانانا عێراقێ ئهنجامێن داويێ يێن سهرژمێرييا گشتى ڕاگههاندن و ڕێژهيا ئاكنجيێن شنگالێ 201،002 كهس بوون.