سەما – ناڤەندا نووچەیان
د سێ ڕۆژێن دەربازبووی دا، شەڕ و ئاڵۆزی دناڤبەرا هێزێن یەبەشێ و ئارتێشا عیراقێ دا ل سەنتەرێ باژێرێ شنگالێ پەیدابوون. پشتی وان ئالۆزیان، هێزەکا زێدە یا ئارتێشا عیراقێ هاتە ناڤ سەنتەرێ شنگالێ.
لگۆر ژێدەرێن راگەهاندنێ، ئیرۆ ئينيێ 21ى ئادارا 2025ێ، شاندەکێ خەلکێ شنگالێ کو ژ کەسایەتیێن ئاینی و چالاکڤانێن مەدەنی پێک هاتبوو، سەرەدانا فەرماندێ ئۆپراسیوونێن ڕۆژئاڤایێ نەینەوا ل شنگالێ کر. وان دەرباری ڕەوشا ڕۆژێن دەرباسبووی گۆتۆبێژ کرن.
لگۆر زانیاریێن کو ب دەست سەما کەفتین، فەرماندێ ئۆپراسیوونێن ڕۆژئاڤایێ نەینەوا گۆتییە: “سۆز بیت ناهێلن هیچ تێکچوونەکا باردۆخێ ئەمناهی ل شنگالێ پەیدا ببیت.”
ژ لایەکێ دی ڤه، د.ڤیان دەخیل، ئەنداما پەرلەمانێ عیراقێ، د چاڤپێکەفتنەکا میدیایی دا لدۆر ئالۆزیێن هەین گۆتییە: “داخوازێ ژ پەرلەمانێ عیراقێ دکەن کو ب زووترین دەم کۆمبوونەک لدۆر ڕەوشا شنگالێ ب ئامادەبوونا سەرۆک وەزیران محمەد شیاع سودانی بهێتە کرن.”
ئەڤە دووەم جارە شەڕێ دناڤبەرا ئارتێشا عیراقێ و یەبەشێ دا ل شنگالێ پەیدا دبیت، جارە ئێکەم د سالا 2021 ل شنگالێ و ب تایبەت ل کومەلگەها دووگرێ شەرێ دناڤبەرا هەردوو ئالیان دا پەیدابوو و د ئەنجام دا سەربازەکی عیراقێ جانێ خوە ژ دەستدابوو .