ناڤه‌ندا نووچه‌يان – سه‌ما
راوێژکارێ ئاسایشا نیشتیمانی یا عيراقێ د پۆستەکى دا ل تۆرا (ئێکس)، سوپاسیا ئەنجومەنێ ئاسایشا هەرێما کوردستانێ دکەت و ب پالەوان ناڤ دبەت.
قاسم ئەعرەجی، راوێژکارێ ئاسایشا نیشتیمانی یا عێراقێ ل تۆرا (ئێکس) نڤیسیە “سلاڤ ل پالەوانێن دەزگەهێ هەوالگری یا عيراقێ، فەرماندەیێ ئۆپەراسیۆنێن هەڤپشک، ئەنجومەنێ ئاسایشا هەرێما کوردستانێ و پشتگیریا هەڤپەیمانیا نێڤدەولەتی بۆ وان دەستکەڤتێن ئەمنی یێن ب دەستڤەئینايی، بۆ دەسته‌سه‌ركرنا ئەبو خەدیجە، یێ کو ناسیار ب جێگرێ خەلیفە و والیێ عيراق و سووریێ یێ داعشێ”.
عەبدوڵڵا مەکی یێ ناسیار ب ئەبو خەدیجە ئێک بوو ژ کاریگەرترین سەرکردەیێن داعش دنوکە دا و بەرێ چەندین پۆست و پلەیێن بلند د ناڤ داعش دا هەبوون و جێگرێ خەلیفەیێ داعش بوویە، تا داويێ بوویە والیێ داعش بۆ عێراق و سووریێ و ئێک بوویە ژ داخوازکریێن ئەمریکا د لیستا تیرۆرێ دا.