ل جەم ئێزدیان گەلەك پیرۆزی هەینە ب تایبەتی ل مالێن مجێوران و دووناڤێن ئێزدیان مینا (خادمان یان بازنن بچووك) و ل جەم هەموو مالێن ئێزدیان بەرات هەینە دكەنە توركەكی دا و ب دیوارێ مالێ دا هەلاویسن دبێژنێ توركێ بەراتە ژ هریا میها دئێتە چێكرن و قوماشەكی موركری ب ئاڤا كانیا سپی ب سەر توركی دا دكەن ژبلی بەراتێ هەرچی پیرۆزیێن ئێزدیان ل وێ مالێ هەینە دكە د وی توركی دا مینا (ئاخا خودانێ مالێ و ئاخا بەرێ شباكێ ……هتد)، و ئێزدی ب پیرۆز دبینن ولێ زیارەتی دبن، ئەڤ جەژنه وی دەمی هاتە كرن دەمێ نیشانێن ئێزدیان هاتینە زڤراندن، ژبەر هێرش و فرمانان ئەوێن ب سەرێ ئێزدیان دا هاتین گەلەك ژ نیشانێن ئێزدیان نەماینە، نیشانێن ئێزدیان دهاتنە پاراستن ل (خزينه رەحمان) ل باعه‌درێ.
نیشانێن ئێزدیان چینە؟
نیشانێن ئێزدیان مینا (هەفت تاووس، هەلێل، تەختێ بەرێ شباكێ ، شەرپكێ شیخادی،چەقەلتو، مشور،خادم و بەرات ……هتد).
كەنگی ئەڤ جەژنه دئێتە كرن؟
ئەڤ جەژنه هەر سال دكەفتە ڕۆژا (6/3) ب ساڵناما زایینی.
ئەرێ ئێزدی هەموو ڤێ جەژنێ دكەن؟
ئەڤ جەژنه بتنێ ل ناڤ وەلات شێخ دئێتە كرن،ل (خزینه رەحمان) سەربرەكێ دكەنە قوربانی وەك سمات ل ڤێ ڕۆژێ دئێتە دروستكرن، چنكو ئەو نیشانێن ل(خزینه رەحمان)ل سەردەمێ (سلێمان نەزیف)پاشا ل سالا 1913 زایینی هاتنە زڤراندن، هەتا نهۆ ژی هەر مالەكا ئێزدی نیشان لێ هەبن هەر سال ل ڤێ ڕۆژێ نیشانێن خۆ دبه‌نە لالشێ مۆردكەن ب ئاڤا كانیا سپی و دكەنە جەژنا نیشانە.
بۆچی ئەڤ جەژنه هاتیە كرن؟
ل سالا 1891زایینی، فەریق عمر پاشا هێرشەك كره سەر دەڤەرێن ئێزدی نشین ل توركیا و عيراقێ وی دەمی هه‌ر ماله‌كا ئێزدیان نیشانەك ل جەم هەبا ڤەدشارتن دبن عەردی دا، پشتی ب داوى هاتنا فرمانێ جارەكا دی دئێنە دەر.
ئەڤ جەژنه هاتە كرن ژبەركو (سلێمان نەزیف) پاشا ل سالا 1913 زایینی ئەو نیشان جارەكا دی ژبۆ ئێزدیان ڤەگەراندن ئەوێن فەریق عمر پاشا برین.
