ناڤهندا نووچهیان – سهما
رۆژ بۆ رۆژێ رێژا كهسكاتيێ ل دهڤهرا شنگالێ بهرهف كێمبوونێ ڤه دچت و دياردا بيابانبوونێ سهرهلدايه.
پشتى هێرشا رێكخراوا داعش يا تيرۆرستى بۆ سهر شنگالێ ل تهباخا 2014، تا نوكه ب دههان داروبار هاتينه سۆتن و ژناڤچووينه.
مهشعهل نهواف، بهرپرسێ تيما پاراستنا ژينگههێ ل شنگالێ بۆ سهما راگههاند: ژ ئهنجامێ هێرشا داعش بۆ سهر شنگالێ گهلهك كارتێكرن ب سروشت و ژينگهها دهڤهرێ كهفتيه و ب دههان داروبار ب تايبهت ل چيايى ژناڤچووينه و رێژا بيابانبوونێ زێدهبوويه و ديارهدهكا مهترسيداره.
بهرپرسێ تيما پاراستنا ژينگههێ ل شنگالێ، دبێژت:” ئهڤه ماوێ سالهكێ يه تيما وان دهست ب چاندنا نێزيكى 300داران ل سهرانسهرى دهڤهرێن شنگالێ كريه، بۆ وهرزێ بههارێ ژى بهرههڤى هاتينه كرن ههوێن دار چاندنێ و هشياركرنا خهلكێ ل سهر پاراستنا ژينگههێ دهست پێ بكهين”.
مهشعهل نهواف، دوپاتكر، گوهۆڕينێن كهش و ههوايى و بلندبوونا پلهيێن گهرمێ كاريگهريا خۆ ههبوويه، ب تايبهت ئاڤا ژێر ئهرد كێمبوويه، كو بوويه ئهگهر جۆتيار نكارن زهڤيێن خۆ ئاڤبدهن.
گهنجێن شنگالێ ب ڕێكا گرۆپێن پاراستنا ژينگههێ بهردهوام بزاڤێ دكهن دووباره رێژا كهسكاتيێ ل دهڤهرێ زێده بكهن.