ناڤه‌ندا نووچه‌يان – سه‌ما
ب هه‌لكه‌فتا جه‌ژنا سه‌رێ ساڵێ، بابێ شێخ (شێخ عەلی شێخ الیاس) په‌یامه‌كا پیرۆزباهیێ ئاراسته‌ی چینا فەقیرا یا ئێزدیان ل کوردستان، عیراقێ و هەموو جیهانێ دکەت.
ته‌كستا په‌یاما پیرۆزباهیێ یا بابێ شێخ:
ب هەلکەفتا هاتنا جەژنا سەرێ سالێ (چارشەمبووا نیسانێ) کو دکەفتە ڕۆژا چارشەمبوویێ رێکەفتی (2025/4/9)، بابێ شێخ،شێخ عەلی شێخ ئەلیاس ،گەرمترین و جوانترین پیرۆزباهیان ئاراستەی چینا فەقیرا یا ئێزدیان ل کوردستانێ و عیراقێ و هەموو جیهانێ دکەت.
ژ خودێ مەزن دخوازن کو ئەڤ جەژنە بۆ هەمووان ل هەر جهەکی بن، ب خێر و بەرەکەت و ئارامی و پێشکەفتنێ بت… و ئەڤ جەژنە ببتە ڕێیەک و ڕێبازەک بەرەف تەمامکرنا ڕێکا داب و نەریت و پایێن ئایینێ مە یێ ڕەسەن و کەڤنار، هەروەکی چاوا بویە و دێ هەر بت.
دووباره جه‌ژنا وه پيرۆزی بت.
هەر سال ب خێر و خۆشی جەژنا خۆ بگێرن.
بابێ شێخ
شێخ عەلی شێخ ئه‌لیاس
2025/4/8