ناڤه‌ندا نووچه‌یان – سه‌ما
پارێزگارێ دهۆكێ ب ناڤێ كارگێريا پارێزگه‌هێ سوپاسیا زانكۆیا دهۆكێ وبنگه‌هێ لالش یێ ره‌وشه‌نبیرى و كۆمه‌ڵايه‌تى كر، كو كارينه ڤى كۆنفرانسێ گرنگ ئه‌نجامده‌ن.
ئيرۆ نیڤرۆ رۆژا چارشه‌مبوويێ 30-4-2025، ل هۆڵا كۆنفرانسا ل زانكۆیا دهۆكێ و ب ئاماده‌بوونا”د.عه‌لى ته‌ته‌ر ” پارێزگارێ دهۆكێ وبه‌رپرسێن لقێن ئێك وهه‌ڤده و”میر حازم ته‌حسین به‌گ” میرێ ئێزدیان وچه‌ند به‌رپرسێن حزبى وئیدارى وئه‌كادیمى وكه‌سایه‌تیێن ده‌ڤه‌رێ به‌رنامێن كونفرانسێ زانستى یێ نێڤده‌وڵه‌تى ل دۆر ئایينێ ئێزدییان ب داوى هاتن.
پارێزگارێ دهۆكێ دپه‌یڤه‌كێدا ده‌ستخۆشى ل هه‌موو پشكدارێن كۆنفرانسى كر وسوپاسیا سه‌رۆكێ حكومه‌تا هه‌رێما كوردستانێ مه‌سرور بارزانى ونڤيسینگه‌ها سه‌رۆك وه‌زیران كر، هه‌مبه‌ر ئه‌و گرنگى وپشته‌ڤانیا ل كۆنفرانسى كرى وبناڤێ كارگێریا پارێزگه‌هێ سوپاسیا زانكۆیا دهۆكێ وبنگه‌هێ لالش یێ ره‌وشه‌نبیرى و كۆمه‌ڵايه‌تى كر كو كارينه ڤى كونفرانسێ گرنگ ئه‌نجامده‌ن.
هه‌روه‌سا خواست ساڵانه ئه‌ڤ جۆره كۆنفرانسێن ئایينى ونه‌ته‌وه‌یى یێن پێكهاتێن ده‌ڤه‌رێ بێنه ئه‌نجامدان ومێژوویا ڕه‌سه‌ن یا ئێزدیان وهه‌موو پێكهاته‌یێن كوردستانێ ب ڤه‌كۆلینێن ئه‌كادیمى وزانستى بێته به‌رچاڤكرن وداخازا سه‌ركه‌فتنێ بۆ هه‌موو لایه‌كى كر.