ناڤهندا نووچهيان – سهما
ئيرۆ ئێک شەمبوويێ، 22-06-2025، مەسرور بارزانی سەرۆکێ حکومەتا هەرێما کوردستانێ، پێشوازی ل فوئاد ئەلمەجالی کونسوڵێ گشتییێ شاهنشینا ئوردنێ ل هەرێما کوردستانێ کر ب هەلكەفتا ب داوی هاتنا ئەركێ وی یێ دیبلۆماتی ل هەرێمێ.
حکومەتا هەرێما کوردستانێ د ڕاگەهاندنهكێ دا دياركر، سەرۆکێ حکومەتێ زێدەباری سوپاسیکرنا کونسولێ گشتییێ ئوردنێ بۆ ئەوی ماوەیێ کار بۆ بهێزترکرنا پەیوەندییێن دولایەنی کری ، هیڤییا سەرکەفتنێ د ئەرکێ داهاتیدا بۆ خواست.
سەرۆکێ حکومەتێ، وهكو ئهوا دڕاگههاندنێ دا هاتى ئاماژە دا پەیوەندییێن دۆستانە و تایبەت یێن دناڤبەرا ئوردنێ و هەرێما کوردستانێ دا و پێزانین ژی بۆ پشتەڤانییا شاهـ عەبدوڵلایێ دووێ ل هەرێما کوردستانێ دەربڕی.
کونسوڵێ گشتییێ ئوردنێ، ئاماژه ب وێ چهندێ دا، دەسکەفتێن حکومەتا هەرێما کوردستانێ ب تایبەتی چاکسازییێن کابینا نەهێ د كەرتێن جودا دا جهێ شانازیێنە، ههروهسا سوپاسییا هاریکاری و هەماهەنگییا لایەنێن پەیوەندیدار یێن حکومەتا هەرێما کوردستانێ کر بۆ سەرخستنا ئەرکێ وی.