ناڤه‌ندا نووچه‌یان – سه‌ما
فازل میرانی، بەرپرسێ دەستەیا کارگێرییا مەکتەبا سیاسی يا پارتى ديموكراتى كوردستان د په‌يامه‌كێ دا پيرۆزباهى ل بنگه‌هێ لالش كر و دبێژت: پەیاما وان یا بەردەوام ژ پێخەمەتی ئاشتییێ و پاراستنا پێکڤەژیانێ بەرز وبلند دنرخینین.
بەرپرسێ دەستەیا کارگێرییا مەکتەبا سیاسی يا پارتى ديموكراتى كوردستانى، دپه‌يامه‌كێ دا سیهـ و دو ساڵیا دامەزراندنا بنگەهێ لالش پيرۆزكر.
ده‌قێ په‌ياما بەرپرسێ دەستەیا کارگێرییا مەکتەبا سیاسی:
بناڤێ خودایێ مەزن و دلۆڤان
ب هەلکەفتا سیھ و دو سالیا دامەزراندنا بنگەهێ لالش پیرۆزباهیێن خۆ ئاراستەی سەرۆک و ئەندامێن دەستەیا بلند و كارگێر وئەندام و کادرێن بنگەهێ لالش و هەمی خوشک و برایێن ئێزدی دکەم.
بنگەهێ لالش هەر ژ دەستپێکا دامەزراندنێ و هەتا نوکە بزاڤ و کار و چالاکییێن ره‌وشه‌نبیری و پێگەهاندنێ یێن بەرچاڤ و پێشكێشی كرینە، نەك بتنێ بۆ جڤاكا ئێزدییان، بەلكو پاراستنا داب ونەریت و كولتوورێ گەلێ كوردستانێ ژی كریە.
دیسان پەیاما وان یا بەردەوام ژ پێخەمەتی ئاشتییێ و پاراستنا پێکڤە ژیانێ بەرز وبلند دنرخینین.
بخێر و خوەشی سەرکەفتی بن
فازل ميرانى
بەرپرسێ دەستەیا کارگێرییا مەکتەبا سیاسی
١١ ئه‌یارا ٢٠٢٥