مەسرور بارزانی: کار دکەین بۆ زێده‌تر پێشڤه‌برنا پەیوەندیێن بهێز يێن کوردستانێ و ئەمریکا

ناڤه‌ندا نوچه‌یان-سه‌ما
چارشەمبوويێ، 21ى گولانا 2025، سەرۆک وەزیرێن هەرێما کوردستانێ د چارچووڤێ سەره‌دانا خۆ یا واشنتنێ دا، راگەهاند، کار دکەین بۆ زێده‌تر پێشڤه‌برنا پەیوەندیێن بهێز یێن کوردستانێ و ئەمریکا.

مەسرور بارزانی، سەرۆکێ حکومەتا هەرێما کوردستانێ د پلاتفۆرما ‘ئێکس’ دا نڤیسییە: ” کار دکەین بۆ زێده‌تر پێشڤه‌برنا پەیوەندیێن بهێز یێن کوردستانێ و ئەمریکا، ل سەر بنەمایێ به‌هایێن هەڤپشک و گەشەپێدانا ئابووری. ”

ئێڤارييا ڕۆژا دووشەمبوويێ 19ى گولانا 2025، مەسرور بارزانی، سەرۆکێ حکومەتا هەرێما کوردستانێ، د چارچووڤێ سەره‌دانا خۆ یا فەرمی دا بۆ ئەمریکا، د رێورەسمەکێ دا ل ژۆرا بازرگانیا ئەمریکی ل واشنتنێ، سەرپەرشتی و چاڤدێریا رێورەسما ئیمزاکرنا دوو رێککەفتننامەیێن گرنگ د وارێ وزێ دا کر.

هەردوو کۆمپانیێن پترۆلا ئەمریکی ئێچ کەی ئێن ئێنێرجی HKN Energy و وێستێرن زاگرۆس WesternZagros، ب جودا دوو رێککەفتننامەیێن مەزن و گرنگ د وارێ پێشڤه‌برنا کەرتێ پترۆلێ یێ هەرێما کوردستانێ، دگەل حکومەتا هەرێما کوردستانێ ئیمزا کر، کو به‌هایێ رێککەفتنا دگەهتە ب دەهان ملیار دۆلاران و کاریگەریيەکا دیار و ئەرێنی ل سەر پێشخستنا کەرتێ پترۆل و وزە و ژێرخانا ئابووریا هەرێما کوردستانێ دێ هه‌بت.