سه‌ما
د دیداره‌کا ب هێز و تژی هه‌ڤركى دا، يانه‌يا دهۆکێ سه‌رکه‌فتنه‌کا گرنگ ل سه‌ر مێهڤانا خۆ يانه‌يا ته‌له‌به ب گۆله‌کێ بێ به‌رسڤ تۆماركر، د دیدارا کو ئێڤارییا چارشه‌مبوويێ 14-5-2025 ل سه‌ر یاریگه‌ها دهۆکێ د چارچووڤێ هه‌ڤركيێن گه‌ڕا 33 ژ خۆلا ستێرێن عيراقێ ب ڕێڤه‌چوو.
گۆلا دیدارێ یا تاقانه د خۆله‌کێن داوییێ ژ ته‌مه‌نێ ياريێ دا هات، داکو یاری د به‌رژه‌وه‌ندیا خودانێن ئه‌ردی دا ئێكلا بوو، دیداره‌ک کو ناڤ و نیشانێ وێ یه‌کسانی و یاریکرنا هشیار بوو هه‌تا گاڤا ئێکلاکرنێ.
ياريه‌كا ناڤنجی ژ هه‌ردوو ئالیان ده‌ستپێکر، دگه‌ل هنده‌ک باشتربوون بۆ يانه‌يا دهۆکێ د ده‌ستسه‌رداگرتنێ دا، کو کورێن راهێنه‌ر میرال هه‌ولدان شێوازێ خۆ ژ ده‌ستپێکێ ڤه بسه‌پینن، لێ به‌رگریا ته‌له‌به ب سه‌رکێشیا راهێنه‌ر باسم قاسم ب ژیری دگه‌ل گوهارێ ره‌فتار کر، و هه‌موو رێکێن گه‌هشتنا ده‌رگه‌هێ گۆلچى محمد صالح گرتن.
د به‌رامبه‌ر دا، ته‌له‌به پشت ب هێرشێن وه‌رار و تۆپێن سه‌قامگیر گرێدا، هه‌ولددا هێزا له‌شی یا یاریکه‌رێن خۆ د ناڤ ده‌ڤه‌را په‌نه‌له‌تيێ دا بکاربینن. نیڤا ئێکێ بێ گۆل ته‌مام بوو سه‌ره‌رای هنده‌ک هه‌ولدانان ژ هه‌ردوو ئالیان.
گاڤا یه‌کلاکرنێ د خۆله‌کا 82ێ دا هات، پشتی دهۆکێ کۆرنه‌ره‌ک وه‌رگرت کو ب شێوه‌یه‌کێ تایبه‌ت هاته جێبه‌جێکرن، تۆپ گه‌هشته ناڤ ده‌ڤه‌را په‌نه‌له‌تيێ بۆ به‌رگرێکار تورسی، کو وه‌رگرت و ب هێز ب پێیێ خۆ هاڤێته ناڤ تۆرا گۆلچى فهد طالب، گۆلا دیدارێ یا تاقانه تۆمارکر د ناڤ که‌یفخۆشیه‌که جه‌ماوه‌ری یا مه‌زن ل سه‌ر سه‌کۆیێن یاریگه‌ها دهۆکێ.
ب ڤێ سه‌رکه‌فتنێ، دهۆکێ خالێن خۆ بۆ 51 خالان بلندكرن (دگه‌ل چه‌ند ياريێن پاشخستی)، د ده‌مه‌کی دا کو خالێن ل 56 خالان راوه‌ستیان، کو دبت کارتێکرنێ ل سه‌ر هه‌لویستێ وی د چارگۆشه‌یێ زێڕین دا بکه‌ت ئه‌گه‌ر خوینرژیا خالان د گه‌رێن چاره‌نڤیسساز یێن داهاتی دا به‌رده‌وام بت.