سه‌ما
ل ڤيسته‌ڤالا كان يا خۆلا 87 رێژه‌كا بەرچاڤ يا دروستكەرێن سينەمايێ ژ وه‌لاتێن جودايێن جيهانێ به‌رهه‌ڤبوون، و د ناڤا وان كەسایەتيێن ئاماده‌بوويى دا دەرهێنەرێ بەهرەدار نەوزاد شيخانی، كو پرۆژە فلمێ داستانا نوو ب ناڤێ “ئێڤلين”، ل گه‌ڵ خۆ ئينابوو. كو باس ل تێكۆشينا كچەکا ئێزدى دكه‌ت بۆ رزگاركرنا خۆ ژ سيبه‌را كۆيلاتيا بسه‌ردا هاتيه سه‌پاندن ژلايێ داعشێ ڤه، د ڤەگوتنەکا سينەمايی كو پره ژ ئازارێن مرۆڤى و جوانيا ديتنێ.
“ئێڤلين” نە تەنێ فيلمەکە ل سەر كارەساتەکا تاكەسی، بەڵكو ل سەر ئێشێن كۆمەڵایەتی، و ل سەر تێكۆشينا ژنەکێ ژبۆ ڤەگەڕاندنا نامورا و دەنگی خۆ د دنيايەکا كو زۆر جاران گوهـ نادەت ئێشا پشتگوهـ خستيان. ب زمانەكى سينەمايی كو هەستێ مرۆڤی و وێره‌كيا ديارکری تێكەڵ دكەت، فيلم بزاڤێ دكه‌ت دەنگەک بگەهينت كو هێشتا نەهاتیە بیستن.
شيخانی د داخويانيه‌كا تایبەتدا بۆ سه‌ما گۆت: “بەشداريا من يا فه‌رمى يا ئێكێ د ڤيسته‌ڤالا كان دا ل سالا 2005 بوو، د چارچووڤێ شانده‌كێ راگەهاندكارێن ئه‌لمانيا، دەما كو فيلێ كيلومەترا سفر يا دەرهێنەرێ كوردى هونەر سەليم د پێشبڕكێيا فه‌رمى دا هاته نیشاندان بێ كو هيچ ئەنجامەک ده‌ستڤه‌بێت. ئیڕۆ كه‌يفخۆشم كو ڤه‌دگەڕمە كانێ د خۆڵا 87يا سالا 2025، كو ئێكه‌م ئامادەبوونا فه‌رمى يا سينەمايا عیراقى ديت د ديرۆكا ڤيسته‌ڤالێ دا، چ ب ڕێيا بەشەکا تایبەت بخۆ يان ب بەشداريكرنێ د پێشبڕكيێن فه‌رمى دا.”
شێخانی رۆنكر، بڕیارا من ئەڤە بوو كو ل ڤێده‌رێ بم، د گرنگترین ڤيسته‌ڤالا سينەمايی يا جيهانێ دا، بۆ ڤەكرنا ئاسویەکا جیهانی بەرامبەر ئێڤلينێ. ئەڤ فلم شایستەیە كو ب ئاستەکا بەرهەمئینانا بەرز بێته پێشكێشكرن كو شایستەيا بەهايێن هونەرى و مرۆڤى يه.
ده‌رهێنه‌رى دا زانين، گەشتەكا بەردەوامە، و ڕێكە درێژە، بەڵێ باوەربوون بڤى پرۆژەیی يا مه‌زنه. دگەڵ هه‌ڤبەشێن خۆ كار دكه‌ين بۆ بەرهەمئینانا فيلمى.
