ناڤه‌ندا نووچه‌يان – سه‌ما
رێڤه‌به‌رێ ناحيا خانكێ ڕاگه‌هاند، كار ل سه‌ر ڤه‌كرنا پشكا چاندنێ دكه‌ن و دێ پتر خزمه‌تا خه‌ڵكێ ده‌ڤه‌رێ ئێته كرن.
زه‌رده‌شت شێخ شامۆ، ڕێڤه‌به‌رێ ناحيا خانكێ بۆ سه‌ما ڕاگه‌هاند: ل ڕێككه‌فتى 13-6-2022، كۆمه‌لگه‌ها خانكێ ب فه‌رمى بوويه ناحيه و دڤان سالاندا لدووڤ پلان و بەرنامێ هاتی دارێژتن ژبۆ گەهاندنا خزمەت و پڕۆژەیێن کابینەیا نەهێ یا ڕێزدار مەسرور بارزانی، سەرۆکێ حکومەتا هەرێما کوردستانێ بۆ دەڤەرێ، ب ڕێژا 40% ژ هەموو ڕوویەکی ڤە هاتیە جێبەجێکرن.
ڕێڤه‌به‌رێ ناحيا خانكێ ئاشكراكر: کوژمێ پترى 11ملیار دیناران هاتیە ته‌رخانكرن ژبۆ کەرتێن وه‌كو شارەوانی و ڕێک، ساخلەمی، ئێمناهى و پۆلیس، ئاگر ڤەمراندن، کارەب، ئاڤ، پەروەرده، لاوان و ڕێکخستنا کارێ جڤاکی یێ وەلاتیان.
ئاماژه ب وێ چه‌ندێ دا، چه‌ندين پشكێن جودا جودا ل ناحيێ ژبۆ خزمه‌تركا وه‌ڵاتيان هاتينه ڤه‌كرن و نوكه كار ل سه‌ر ڤه‌كرنا پشكا چاندنێ دكه‌ين.
د چارچووڤێ گرنگيدانا حكومەتا هەرێما كوردستانێ، بۆ ناحیە و گوندان، ئەڤ پرۆژێن خزمەتگۆزارى دئێنه ئه‌نجامدان.
د كابینەیا نه‌هێ دا، ڕێزدار (مەسرور بارزانی) سەرۆكێ حكومەتا هەرێما كوردستانێ، ڕاگەهاند: سیاسەتا مە دێ وه‌سا بت، كو ب تنێ گرنگيێ ب سەنتەرێ باژێران ناده‌ين، بەڵكو گرنگييه‌كا زێده‌تر ب قەزا و ناحیە و گوندان دێ دەین.