ناڤەندا نووچەیان – سەما
دهزگههێ خێرخوازى يێ بارزانى ئۆفيسا شنگالێ، ل بهره چهندين پرۆژهيێن جودا ل شنگالێ ئهنجام بدهت و دهليڤهيێن كارى بۆ خهلكێ دهڤهرێ پهيدا بكهت.
شێرۆ جۆقى، بهرپرسێ دهزگههێ خێرخوازى يێ بارزانى ئۆفيسا شنگالێ بۆ سهما دياركر، دچارچۆڤێ پێشكێشكرنا هاريكارييان بۆ خهلكێ كێمدهرامهت، يهكهيهكا ساخلهمييا ددانان ل كۆمهلگهها زۆرئاڤا و دهوروبهران هاتييه ڤهكرن، زێدهبارى ئاڤاكرنا خانييان بۆ ڕزگاربوويان و خێزانێن ههژار و ئهڤ پرۆسهيه يا بهردهوامه.
زێدهتر گۆت: خهلكێ ڤهگهريايه شنگالێ بتر پێدڤى ب دهليڤهيێن كارى ههيه، مه ل بهره چهند پرۆژهيێن جودا ئهنجام بدهين، ژوانژى ڤهكرنا جههكێ ئاسنگهرييێ كو چهند گهنج دێ تێدا كاركهن و ژێ مفادار بن.
دهزگههێ خێرخوازى يێ بارزانى د بياڤێن جودا ل شنگالێ هاريكارييا خهلكێ دكهت.