ناڤەندا نووچەیان – سەما
بەرپرسێ نڤيسينگه‌ها ڕزگاربوويێن ئێزدی ژ دەستێ داعش راگه‌هاند؛ پشتى ژناڤچوونا ڕژێما بەشار ئەسەدى و گوهۆڕينێن سیاسی ل وى وه‌ڵاتى، پێشبینی دکەين، هه‌ژمارەیەکا دی يا ره‌ڤانديێن ئێزدی ڕزگار بكه‌ن و ڤه‌گەڕنە ناڤ کەس و کارێن خۆ.
حسێن قائیدی، بەرپرسێ نڤيسينگه‌ها ڕزگاربوويێن ئێزدی ژ دەستێ داعش، ئيرۆ دووشه‌مبوويێ، 6ى کانوونا ئێكێ 2025، بۆ سه‌ما راگەهاند: پێشبینیا رزگاربوون و ڤه‌گەڕيانا هه‌ژمارەیەکا دی يا ره‌ڤانديێن ئێزدی ل سووریێ دکەين، ب تایبەتی پشتى ئازادبوونا هه‌ژمارەكا زۆر يا زیندانیان، ل زيندانێن سووریێ.
قائیدی ئاماژە ب وێ چه‌ندێ دا، هه‌موو بزاڤ دبەردەوامن بۆ لێگه‌ريان و ديتنا سەرجەم بێسەرشوونێن ئێزدی.
ل گۆڕەی ئامارا بەرپرسێ نڤيسينگه‌ها رزگاربوويێن ئێزدی ژ دەستێ داعشێ، ژ سه‌رجه‌مێ شەش هەزار و 417 وه‌ڵاتيێن ره‌ڤانديێن ئێزدى ژلايێ داعشێ ڤه، تا نوکه سێ هەزار و584 کەس هاتينه رزگاركرن.