ناڤهندا نووچهيان – سهما
پهرلهمانتارهكا ئێزدى هۆشداريێ ددهت و ڕاگههاند، ڤهگوهاستنا تيرۆرستێن داعشێ ل كهمپا هۆلى بۆ عێراقێ دێ بته ئهگهرێ سهرههڵدانا توندوتيژيێ.
د.ڤيان دهخيل، ئهنداما پهرلهمانێ عێراقێ ل سهر فراكسيۆنا پارتى ديموكراتى كوردستان ڕاگههاند، كريارا تيرۆرى ئهوا ل كهنيسهيا مارئلياس ل ديمهشقا پايتهختێ سووريێ ژلايێ دوو تيرۆرستێن داعشێ ڤه ل كهمپا هۆلێ هاتيه ئهنجامدان و چهندين كهس تێدا بووينه قوربانى، بتنێ ڕوودانهك نينه، بهڵكو لێدانا زهنگا مهترسيێ يه.
گۆتژى: هۆشداريێ ددهينه حكومهتا عێراقێ، كو ڤهگوهاستنا ئهندامێن داعشێ ل كهمپا هۆلێ بۆ عێراقێ جهيێ مهترسيێ يه، ڕهنگه ببته ئهگهرێ دووباره سهرههڵدانا توندوتيژىێ.
دووپاتكر، ههر توندوتيژيهكا دى ل عێراقێ روودهت، كێمينهيێن ئۆلى دێ قوربانيێن ئێكێ بن.
ڤهگوهاستنا خێزانێن داعشێ ل كهمپا هۆلێ بۆ كهمپا جهددعه ل باشوورێ مووسلێ ئێزدى دلگرانكرينه و تا نوكه ب سهدان خێزان ژلايێ وهزارهتا كۆچ و كۆچبهرێن عێراقێ ڤه هاتينه ڤهگوهاستن.
کەمپا هۆلێ، دکەفتە باشوورێ باژێرێ هۆلێ ل پارێزگهها حەسەکێ ل ڕۆژئاڤایێ کوردستانێ، کەمپە ل ژێر دەستههڵاتا ئیدارا خوهسەر دایە و هێزێن سووریا دیموکرات (هەسەدە) ڕێڤەبەریا کاروبارێن ئێمناهيێ ل کەمپێ دکەن.
کەمپە تایبەتە ب خێزان و کەسوکارێن چەکدارێن داعشێ، ب گۆڕەی ئامارێن بهرێ زێدهتر ژ 71 ههزار كهسێن سهر ب داعشێ تێدابوون و نیڤا ئاكنجيێن کەمپێ دبن تهمهنێ 18 ساڵيێ دانه و پتريا وان عێراقى نه.
کەمپا هۆلێ ب مەترسی بۆ دووباره سەرهەڵدانا داعشێ دئێته ل قەڵەمدان چەندين جاران شهڕ تێدا چێبووينه، لهوا ب فەرمی داخواز ژ وهڵاتان هاتيه كرن وهڵاتیێن خۆ ل وێ کەمپێ ببهنه وهڵاتێن خۆ.