شاخەوان عەبدوڵڵا: پێدڤییه‌ سنووره‌ك بۆ بێ ڕێزییێن به‌غدا بێته ‌دانان

ناڤه‌ندا نووچه‌يان – سه‌ما

جێگرێ سەرۆكێ پەرلەمانێ عیراقێ په‌یامه‌ك ل دۆر هه‌لویستێ به‌غدا به‌رامبه‌ر هه‌رێما كوردستانێ و نه‌هنارتنا مووچه‌یێ فه‌رمانبه‌ران به‌لاڤكر و تێدا دبێژت: پێدڤییه‌ سنووره‌ك بۆ ڤێ بێ ڕێزییێ بێته ‌دانان و زێده‌تر خه‌لك‌ نه‌ئێته‌ برسیكرن.

شاخەوان عەبدوڵڵا، جێگرێ سەرۆكێ پەرلەمانێ عیراقێ ل ڕووپه‌لا خۆ يا تايبه‌ت يا فه‌يسبۆكێ د په‌يامه‌كێ دا ڕاگه‌هاند،، ئه‌و یێ پشتڕاسته‌ حكومه‌تا هه‌رێما كوردستانێ خه‌مێ ژ بابه‌تێ نه‌هنارتنا مووچه‌یێ فه‌رمانبه‌ران دخۆت و هه‌موو ڕێنماییێن حكومه‌تا عیراقێ ب جهئیناینه‌ و وه‌لاتییێن هه‌رێمێ ژى دخوازن ئه‌و هه‌لویستێن خۆ به‌رامبه‌ر به‌غدا ڕابگه‌هینینن.

دیار ژى كر، ئه‌ڤ تاوانه‌ د دیرۆكا دروستبوونا عیراقێ هه‌تا نوكه‌، جارا ئێكێیه‌ ب بوهانه‌یێن دادگه‌ها فیدرال و دروستكرنا لژنه‌یان دهێته‌ ئه‌نجامدان و ئارمانجا وان ب تنێ زێده‌تر برسیكرنا خه‌لكێ كوردستانێیه‌.