ناڤهندا نووچهيان – سهما
بڕياره دڤێ ههفتيێ دا حكومهتا توركيا كێشهيا گوندهكێ ئێزديان يێ ههڵاويستى بۆ دهمێ 30ساڵان ئێكڵا بكهت.
ئيڕۆ سێ شەمبوويێ، 1ى تەممووزا 2025، نهديم ئهركيش، چالاكڤانێ ئێزدى ل گوندێ كهلهوكێ ل دهڤهرا باتمانێ، بۆ سهما ڕاگههاند: ئهڤه 30ساڵه خهڵكێ گوندێ كهلهۆكێ سهر ب دهڤهرا باتمانێ، كۆچبهرى وهڵاتێن ژ دهرڤهبووين، وى دهمێ گوندێ خۆ ڕادهستى مهرهڤێن خۆ كرن، لدووڤدا هێدى هێدى خهڵك يێ ڤهدگهڕته سهر گوندێ خۆ ڤه، لێ ئهڤ خێزانێن تێدا دبێژن دهرناكهڤين.
ئاشكراكر: “ئهڤه 13ساڵه وان سكاڵا تۆماركريه بۆ ڤهگهڕاندنا گوندێ خۆ، لێ ئهڤ خێزانێن نوكه ل گوندى دا ڕابووينه خانيان ئاڤا دكهن و دبێژن ئهم دهرناكهڤين، ئهڤ كێشه گههانديه لايهنێن پهيوهنديدار”.
چالاكڤانێ ئێزدى دبێژت: بڕياره دڤێ ههفتيێ دا شاندهكێ حكومهتا توركيا سهرهدانا گوندێ وان بكهن و دێ داخوازا تاپۆيێن خانيان كهن، داكو ڕادهستى خودانێن وان يێن ڕهسهن بكهن.
دووپاتكر،هيڤيدارين دهولهت ب ئهركێ خۆ ڕابت و گوندێ وان ب زووترين دهم ڤهگهڕينته ڤه.
گوندێ كهڵهۆكێ دكهفته پارێزگهها باتمانێ ل باكورێ كوردستانێ، نوكه ئاكنجيێن گوندى ژ دهرڤه ڤهدگهڕنه گوندێ خۆ ڤه و دخوازن بمينن و دووباره ئاڤهدان بكهن.