ناڤهندا نووچهيان – سهما
ئيڕۆ 17-8-2025، ل ناوچەیا خەسفە ل باشوورێ مویسلێ، ب بەرهەڤبوونا عەبدولقادر دەخیل پارێزگارێ نەینەوا پرۆسەیا هەلدانا مەزنترین زنجیرەیا گۆرێن بکۆم دەستپێکر.
عەبدلقادر دەخیل، پارێزگارێ نەینەوا، گۆت: گۆڕێ ب کۆم یێ خەسفێ ل سنوورێ مووسل دئێتە هەلدان، کو مەزنترین گۆڕێ ب کۆمە د دیرۆکا مرۆڤایەتیێ دا.
د ناڤا وان گۆڕان دا رۆفاتێن زێدەتری 20 هزار کەسان ژ پێکهاتە و نەتەوە و ئاینێن جودا تێدانە کو ل سەردەمێ داعشێ هاتبوون کۆمکوژکرن.
ژبلی کو خەسفە کونەکا مەزنە، هەڤدەم جهەکێ تاری و ئاسێ و مەترسیە، گەلەک یا کوورە، هەرکەسێ بکەفتە تێدا نكارت رزگار بت ئەگەر یێ ساخ ژی بت، لەوا ب خەسفە هاتیە بناڤکرن.
خەسفە دکەفتە باشوورێ باژێرێ مووسل، ل جهەکێ چۆل و چ ژێدەرهکێ ژیانێ لێ نیە، پلەیێن گەرمایێ ل هاڤینێ بلندن و زستانێ ژی نێزیک پری ئاڤ دبین، داعش بو وان کەسان بکارئینایە کو د هزر و گۆمانا وان دا ب دژی وانن وەکو ئێزدی، کریستیان، پێشمەرگە، یان ئەو موسڵمانێن ل گەڵ هزر و بیرێن وان نەی و ب دژی سیاسەتا وان کار دکر.
لدووڤ زانیاریێن نە فەرمی دئێتە چاڤەڕێکرن کو ڕووفاتێن پتری 10 هزار کەسان تێدا هەبن.