ناڤەندا نووچەیان – سەما
د.ڤیان دەخیل، ئەنداما پەرلەمانێ عێراقێ ڕاگەهاند، چەندین جاران داخواز ژ حکومەتا عێراقێ کریە، هەموو گۆرێن ب کۆم ڤەکەن و قەرەبوویا زیانڤێکەفتیان و قوربانیان بدەت.
دهربارهى گۆڕێن بكۆم ل شنگالێ، د.ڤيان دهخيل ئاماژه ب وێ چهندێ دا، ژ دهستپێكا جينۆسايدكرنا ئێزديان ل سهر دهستێ داعش ل تهباخا ساڵا 2014، هەتا نوکە 93 گۆڕێن بکۆم ل شنگالێ هاتینە ديتن، ڵێ ب تنێ 68 گۆڕ هاتينه ههڵدان و ڕووفاتێن 274 كهسان ژ قوربانيان ڕادهستى كهسوكارێن ئهوان هاتينه كرن، ڕووفاتێن 500 قوربانيێن دى، ل نۆژداريا داد ل بهغدايێ بۆ وهرگرتنا پشكنينا (DNA)ماينه.
ئاشکراکر: “حکومەتا عێراقێ پێنگاڤێن ڕژد بۆ ڤەکرنا گۆڕان نەهاڤێژتینە و دخوازين قەرەبوویا زیانڤێکەفتیان و قوربانیان بدەت”.
پشتى داگیرکرنا مووسڵ، گرۆپێ تیرۆرستی يێ داعش، ب چەک و کەرەستهيێن سەربازیێن سووپایێ عێراقێ کو ل مووسڵ بجيهێلابوون، ل 3ـی تهباخا 2014، هێرشهكا بەرفرههـ کرە سەر شنگال و دهوروبهران، دوێ هێرشێ دا، داعش زهلام و گەنجێن شنگالێ و گوندێن دەورووبەران کۆمكوژكرن و كچ و ژن کرنه کەنیزە و ل بازاڕەندا کڕین و فرۆتن پێکرن.