ناڤەندا نووچەیان – سەما
رهزامهندى ل سهر ڤهكرنا بهنكا چاندنێ و پشتهڤانييا جۆتيارێن شنگالێ و ناحيا ئهلقوش هاته دان.
د.ڤيان دهخيل، ئهنداما پهرلهمانێ عێراقێ ڕاگههاند، پشتى ل گهڵ وهزيرێ چاندنێ يێ حكومهتا فيدڕال كۆمبووين، ڕهزامهنديا خۆ نيشاندا بۆ بجهئينانا داخوازيێن سهرهكى يێن جۆتياران ل قهزا شنگال و ناحيێن سنوونێ و گرعزێرێ و ئهلقوش سهر ب قهزا تلكێفێ ڤه دا.
دهربارهى ڕهزامهنديێن هاتينه دان، ئهنداما پهرلهمانێ عێراقێ دبێژت: لێخۆشبوونا كرێيا عهردێ بۆ جۆتياران بۆ سالێن 2021 و 2025 هاتيه كرن، پلانا چاندنێ دێ ناحيا ئهلقوش و گوندێن بسهرڤه بخۆڤه گرت، زێدهبارى ئاسانكاريێن ڤهگوهاستنا كهلوپهلێن چاندنێ بۆ شنگالێ.
ئاماژه ب وێ چهندێ دا، ئێك ژ داخوازيێن دى يێن وهزيرێ چاندنێ ڕهزامهندى ل سهر دايى، دووباره ڤهكرنا بهنكا چاندنێ يه ل شنگالێ داكو جۆتيار بكارن مفايى ل قهڕێن چاندنێ وهرگرن و پڕۆژهيێن خۆ پێشڤهببهن.
د.ڤيان دهخيل دووپاتكر، ئهڤ پێنگاڤه دچارچووڤێ پشتهڤانيكرنا جۆتياران دايه بۆ هندێ بهردهواميێ ب كارێ خۆ بدهن و ڕهوشا وان باشتر ببت.