ناڤەندا نووچەیان- سەما
ئیڕۆ جڤاتا وەزیرێن هەرێما كوردستانێ ب سەرۆکاتیا مەسرور بارزانی، سەرۆکێ حکومەتا هەرێمێ دێ كۆمبت، د کۆمبوونێ دا چەند بابەتێن گرنگ دێ ئێنە گوتۆبێژکرن.
ب گۆڕەی راگەهاندنا فەرمانگەها میدیا و زانیارییان یا حکومەتا هەرێما کوردستانێ بەڵاڤکریە، د كۆمبوونێ دا
دەستپێكرنا هنارتنا پەترۆلێ كۆمبیت و پرسا مووچهیێ ههیڤێن 7-8-9 یێن فهرمانبهرێن ههرێما كوردستانێ و ئهنجامێن دانوستاندنێن ههولێر و بهغدا و دوماهى دانوستاندنێن ههر دوو ئالیان و پێشنیازا یاسایا خانهنشینا پێشمهرگهى و پێشنیازا تایبهت ب قهر و پێشینهیان و پێشنیازا رێكخستنا باج و رسوماتان دێ ئێنه گهنگهشهكرن.
د بەشەکێ دی یێ کۆمبوونێ دا، پرۆسەیا ڕێكخستنا ڕێكارێن دارایی دناڤبەرا حكومەتا هەرێمێ و حكومەتا فیدرالدا، چەند پێشنیاز و ڕاسپاردەیێن وەزارەتا دارایی بۆ ڕێكار و ڕێنماییێن باجێ، دناڤبەرا سازییێن باجێ ل هەردوو حكومەتا هەرێمێ و فیدرال دێ ئێنە گوتۆبێژكرن.
ڕاسپاردنا وەزارەتا دارایی و ئابووری، ل دۆر ب ساناهیكرنا پێشینە و قەرێن تایبەت ب خانووبەر، چاندن، پیشەسازی، ئاكنجیبوون و گەشتیاری تەوەرەکێ دێ یێ کۆمبوونێ بت.