د بێژن کۆچەک خدر ل گوندێ باقەسرێ ژ دایک بوویە و پشتی ژیێ وی گەهتیا (٧٠) سالیێ هەر ل گوندێ باقەسرێ کراس گهۆڕی یە (وەغەر کریە) مرۆڤەکی دل پاک و خودێ ناس بو ، دەروێشەکی ب دین و ئیمان بو ، خودێ ل گەل کربوو سوڕ و کەرامەت هەبوون یی بەرناس بو ل دەڤەرێ ب (کۆچەک خدرێ باقەسری) ل دیف تەخمین و جوامێرا دا یە دیارکرن بەری ١٧٠ سالا کراس گوهارتیا و گۆرێ وی یێ ل گۆرستانێ باقەسرێ ، باپیرێ مەحمودێ گەورێ یە ئەڤێن نهو ئاکنجی ل گوندێ مەهەتا کەڤن بابێ جمال محمود و برایێن وی خدر و حسین وسالم و جلال ، گەلەک سڕ و کەرامەت خەلکێ دەڤەرێ ل نک بابێ کۆچەک خدر دیتن ژ وانە ئێک ژ سەرهاتیا بابێ حەیدەرێ خومارێ ل گوندێ مەهەتا کەڤن د گۆتنێ خدر بابێ حەیدەرێ خمارێ ،
دبێژن : حەیدەر کورێ خدری و خدر کورێ حەسەنێ مرادی بو ژ بەر فرمانا لەشکەرێ نادر قوولی شاهێ ئیرانی ژ دەشتا کەرکوک رزگارببون خو گەهاندبونا گوندەکی مەسیحیا دبێژنێ (تلمتە) پشتی چەند سالا ل تلمتەی د مینن ل سەر داخازیا میری د هێنە گوندێ مەهەتێ پشتی حەسەنێ مرادی بابێ خدری د مرێت و تەمەنێ خدری د گەهتا ( ٦٥-٧٠ )سال بێ زڕیەت د بیت خودێ تەعالا چو کور کچ نەدانێ ژبەر هندێ بریار دا ژ گوندی بارکەت مادەم چ قسمەت و رزق ژ ڤی گوندی نەدیت، رابو کار و بارێ خێزانا خو کر و کەل و پەلێن خو ل دەوارا کرن و ژ گوندی بارکر و ب رێکەفت هندی گوندیا هیڤی ژێ کرن رازی نەبوو گۆت نانێ من ل ڤی گوندی نەما و ئەز دێ بارکەم ، گەهشتا گوندێ باقەسرێ دکەفتە باکووری رۆژئاڤایی گوندێ مەهەتێ ب درێژیا (٤) چار کم ، کۆچەک خدرێ باقەسری هاتە پێشیێ گۆتێ خدر دێ کۆڤە چیا تە خێرە تە بارکری ژ گوندی! گۆتێ بابێ کۆچەک ب خودێ رزقێ من ل ڤی گوندی نەبوو و ئەڤە ٤٠ سالا ئەز زەوجیم و من ژن ئینای خودێ چو تەفال زێدەیەک نەدا مە دێ چمە لالشێ و دوێدەرێ را دێ چمە جهەکی بەلکێ خودێ تەعالا دەرگەهەکی خێرێ بو مە ڤەکەت…. بابێ کۆچەک خدر گۆتێ خدر ب زڤرە ڕسقێ تە وێ ل گوندێ مەهەتێ و خودێ دێ ل گەل تە کەت تو مرۆڤەکی باشى و چاکی، گۆتێ ئەزبەنی من چو نەمایا و من خاترا خو یا خاستی ژ گوندیا و ئەز دێ ب رێکەڤم کا خودێ دێ بەرێ مە دێ دەتا کیژ جهی کۆچەک خدر جارەکا دی گۆتێ خدر گوهێ خو بدە من و ب زڤرە گوندی و هەرە ژنەکا دی بینە دێ خودێ وەکی دلێ تە دێ چێ کەت … خدر مرۆڤەکی خودێ ناس و ئیمان و باوەری ب کۆچەکا و رێیا ئێزدیاتیێ هەبوو و باب و پاپیرێن وی هەمی مال و ملکێ خو هێلابوون و خو رادەستی ئیسلاما توند رەو و کافرا نەکربوون ژ پێخەمەت ئۆل و رێیا ئێزدیاتیێ لەوما ئەو رێکا قورس و گران دا بووا پێشیا خو، وەختێ کۆچەک خدر جارا سێ گۆتیێ خدر رازی بوو و گۆتێ بابێ کۆچەک تو چ بێژی سەر سەرێ مە رابوو بو مێڤان ل مالا کۆچەک خدرێ باقەسری و گۆهێ خو دایێ ، بابێ کۆچەک گۆتێ: کورێ من خدر هەرە مال کیژەک یا هەی ل گوندێ وە یە(قریپەیە) بچەکێ یە مەزن ب عەمری و دلەنگت کیژا مالا پیسوی دگۆتنێ ئەڤا نها دبیژنێ مالا کۆری، ناڤێ وێ (خمارە ) هەرە ب خوازە دێ بتە رزقێ تە و خودێ دێ کورەکی دەتا تە دێ گەلەک یی ب خەلات و سعود و ئیغبال بت و تو نامری هەتا کورێ خو نەبینی یێ بیە زەلام و ژ چوتی یێت دئێتە مال و نیر و کۆپەلین یێ ل ملی و یێ بیە زەلام، هنگی دێ نانێ تە تەمام بیت و دێ مری ، خدری گوتێ ئەز ژ فەلەکا خو باوەر ناکەم بەلێ هەگەر ئەڤ یا تو د بێژی بو راست هەما سەد خوزیکێن رۆژا ئەز بمرم و ئەز سۆزێ دەم ئەم بینە خوکێن تە هەتا ئەم د ساخین ، بەلێ ئەز شەرم دکەم ئەڤێ سوحبەتێ ب کەم بابێ کۆچەک ئەز یێ مەزن بیم و من خاترا خو یا ژ گوندی خاستی ، کۆچەکی گۆتێ: خدر ب زڤرە گەلەک کەیفا گوندیا دێ ئێت و ئەو مال دێ رازی بن کچک ناڤێ وێ خمارە یە قریپەیە ب عەمری بەس رزقێ تە یە هەر تو بچی ب خازی بێ شەرت و گۆتن دێ رازی بن ، خدر جارەکا دی ڤەگەریا گوندی و ما د هزرو بیراندا، گوندی هاتن پێشیا وی و گەلەک کەیفا گوندیا هات کو ڤەگەریا مال، دبێژت : سوحبەتا خو بۆ مجێور پیر سلیمان و شێخێن مالا مرادێ قنتارێ و هندەک گوندیا گۆت: ئەوان ژی دوعا بورا کرن هیڤی خاستن خدر ب مرازا خو شادبیت، هەر وێ هێڤارێ چونە خازگینیێت وێ کچکا ب ناڤێ خمارێ ئەوە بابێ کۆچەک خدرێ باقەسری گۆتیێ رازی بوون و مارەکر و ئینان، سال گەهشتە سالێ بێ شک خودێ رزقەک دایێ وەلەدەک ناڤێ وی کرن حەیدەر ، خەلک شاقس مان کو ب ڤی تەمەنی و گۆتنا کۆچەک خدر دەنگ ڤەدا ب راستی ژی وەکی موعجزەیەکێ لێ هات هەیام هاتن سال بۆرین حەیدەر بو جەدع گێنج لاوەکی ١٤-١٥ سالی هیشتە وەختێ وی و جوت و جوباریێ مایی خەلکێ گوندی د چاڤەریێ هندێ بون کا کەنگی حەیدەر دێ مەزن بیت و دێ چتە جۆتی کا دێ مریت یان نە ؟ ژ بەر کو بابێ کۆچەک یا گۆتی هەر گاڤا حەیدەر ژ جوتی هات دێ خدر مریت ! گوندی پێ حەسیان رێنجبەرێ خدری ژ جوتی هات گوندی رابوون نیر و کۆپەلینێ جوتیاری ژێ ستاندن و د ستۆیێ حەیدەری کرن ژ بو سوحبەتێ گۆتن ئەم دێ کۆچەکی جەربینین کا دێ خدر مرێت دەمێ حەیدەری ببینت نیرو کۆپەلین ل ملی حەیدەری و ژ جوتی یێت دهیت ژبەر کو بابێ کۆچەک گۆت بو هەر گاڤا خدر حەیدەری ب ڤی رەنگی ببینت دێ مریت وێ گاڤێ گۆتی ئەم ل بەربانکێ د رۆنشتی بین دەمێ مە دیتی حەیدەر ژ دێلیزێ هاتە حەوشێ و نیر و کۆپەلین ل ملی ئیکسەر روح ل خدری نەما و گۆتی ئەڤا چ یە گۆتنێ: حەیدەر چوبویا چۆتی، خدری سەرێ خو هژاند و زانی پیر سلیمانی سوحبەت یا پێکری، گۆتی وەی لێ خودێ کێرک هاڤێتی سەرێ پیر سلیمان، گەلەک ژ گوندیا د بیژن باب و باپیرێن مە ئەڤ سوحبەت ڤەگەراندیا گۆتی خدری گازی هەڤژینا خو کر و گۆتێ رابە ئاڤێ گەرم کە و کاروبارێ مرنا من بکە هندی زەلاما گۆتێ: خدر مە سوحبەت کر خدری گۆتی: ب خودێ یا من چو رۆژا من هەتا ڤێ سەعەتێ یە مادەم من لاوێ خو دیت ژ جۆتی ڤەگەریا سۆزا من دگەل خودێ تەعالا ل سەر دەستێ بابێ کۆچەک ئەڤە د بێژن هەر وێ سەعەتێ خاترا خۆ خواست و مالئاڤایکر خدر مر ، ئەڤ چڤاتا ئەڤ تاقیکرنە ل سەر گۆتنا بابێ کۆچەک کرین شەرمەزار بوون و باوەریەکا مەزن ئیدی ب بابێ کۆچەک ئینان ژبەر کو بابێ کۆچەک گۆت بوو : خدری هەرە ژنەکێ ل ڤی عەمرێ مەزن بینە دێ زڕیەت بو تە ژێ چێ بیت ب دروستی چێ بو گۆت بوو: هەر گاڤا تە حەیدەر دیت ژ جۆتی ڤەگەریا دێ مری وان ب چاڤێ خو دیتن خدر مر ئەڤ باوەری و کەرامەت بو دەنگڤەدانەکا مەزن ل دەڤەرێ و هەتا نها خەلکێ مە ب گشتی و مەهەتی ب تایبەت قەستا سەر گۆڕا رەحمەتیێ کۆچەک خدرێ باقەسری د کەن و هیڤی و مرازێن خۆ ژ خودێ و سوڕا کۆچەکی دخوازن، مجێوری پیرا فات پیر سلیمان و مالا شیخ مرادێ قنتارێ و گوندیا بریار دان سەرەدەریەکا باش دگەل حەیدەری ب کەن و حەیدەری پێش ب ئێخن وەکی زەلامەکی مەزن دگەل خو ب گێرن و هاریکاریا وی ب هەر تشتەکی هەبیت ب کەن ژ بەر کو ئەو بونا سەبەبا مرنا بابێ وی ، حەیدەر مەزن بو گوندیا کرنە موختار و ١٠٠ سال عەمر کر د گۆتنێ: حەیدەرێ خمارێ ناڤێ دەیکا وی خمار بو ئەڤا بابێ وی خدری ئینایی خودێ پێنچ کور دانێ و مەزناتیا گوندی و دەڤەرێ ب گشتی د کر کەسەکی جوامێر و خودێ ناس و رێیا ئولا خو بو هەر گاڤ ئەهلێ خێرێ بو پشتی مرنا وی کورێ وی ئەلیاسێ حەیدەری بو مەزن ل گوندی و هەتا کورێن ئەلیاسی عبو و علی و نها کازم موختارە و نها ژی بنەمالەکا ب مرۆڤا ل دەڤەرێ وەک برا و پسمام و نەڤیێن حەیدەرێ خمارێ و زڕیەتێ خدرێ و خماري خودێ وان ب سترینت د بۆشن.
