پارێزگارێ دهۆكێ به‌رێ بنیاتى بۆ جووتسایدێ نه‌هدارا بۆ باعه‌درێ دانا

ناڤه‌ندا نووچه‌یان – سه‌ما
دچارچووڤێ ئه‌و گرنگیا حكومه‌تا هه‌رێما كوردستانێ دده‌ته‌ رێك پرا وخۆشكرنا هاتنوچوونا وه‌ڵاتییان، ئيڕۆ 3-11-2025، د. عه‌لى ته‌ته‌ر، پارێزگارێ دهۆكێ به‌رێ بنیاتى بۆ پڕۆژێ چێكرنا جووتسایدێ (نه‌هدارا ل شێخان بۆ باعه‌درێ) ب درێژاهیا 7.6كيلۆمه‌تران و ب كوژمێ 15ملیار و498ملیۆن دیناران دانا.

ب ئاماده‌بونا ساڵه‌ح حه‌یده‌ر، به‌رپرسێ لقێ بیست یێ پارتى دیموكراتى كوردستان و سه‌ردار یه‌حیا، ده‌ڤه‌ردارێ شێخان وچه‌ند به‌رپرسێن ئیدارى وحزبى وخه‌ڵكێ ده‌ڤه‌رێ، ڕێوره‌سمێن دانانا به‌رێ بنياتى بۆ يڕۆژه‌يى ب ڕێڤه‌چوون.

هه‌ژى گۆتنێ یه‌ ئه‌و پڕۆژێن ئيڕۆ پارێزگارێ دهۆكێ ڤه‌كرین و به‌رێ بنیاتى بۆ داناین 9 پڕۆژه‌بوون ودبیاڤێن جودا جودا دابوون، وه‌كو ڕێك و پڕۆژێن ئاڤێ وكاره‌بێ هه‌موو ل سه‌ر بودجا حكومه‌تا هه‌رێما كوردستانێ ب كوژمێ 18 ملیار و 675 ملیۆن دینارا دێ كه‌ڤنه‌ دخزمه‌تا خه‌ڵكێ ده‌ڤه‌رداریا شێخان دا.