ناڤهندا نووچهیان – سهما
ئيڕۆ سێ شهمبوويێ، 25ـى چريا دووێ 2025، لژێر درۆشمێ “ههڤبگرن ژبۆ نههێلانا توندوتیژيیا دیجیتاڵی دژی ههموو ژ و كچان” و لژێر چاڤدێريا پارێزگارێ دهۆكێ، ههوا 16ڕۆژی یا نههێلانا توندوتیژیا دژی ژنان هاته ڕاگههاندن.
لژێر چاڤدێریا د. عهلی تهتهر، پارێزگارێ دهۆكێ و ب ئامادهبوونا ماجد سهید ساڵهح، نوونهرێ پارێزگارێ دهۆكێ و بریندار حهیدهر، قایمقامێ دهۆكێ و دكتوره ڤیان سلێمان، هاریكارا بهرپرسێ مهكتهبا ڕێكخستنا پارتی ل دهۆكێ و عهقید وهلات سهدیق، ڕێڤهبهرێ ڕێڤهبهریا بهرهنگاریا توندوتیژیێ و هژمارهكا بهرپرسێن دامودهزگایێن جودا، لژێر دروشمێ “ههڤبگرن ژبوو نههێلانا توندوتیژیا دیجیتاڵی دژی ههموو ئافرهت و كچان”، ڕێڤهبهریا بهرهنگاربوونا توندوتیژی دژی ئافرهت و خێزانان ب ههڤكاری دگهڵ زانكۆیا دهۆكێ و كرۆپێ كاری (GBV-Working Group)، ڕۆژا جیهانی یا نههێلانا توندوتیژیا دژی ئافرهتان ساخكر.
نوونهرێ پارێزگارێ دهۆكێ د پهیڤهكێدا بهحسێ گرنگیا ڤێ ڕۆژێ ل سهرانسهری جیهانێ كر و ڕۆلێ بڵند یێ حكومهتا ههرێما كۆردستانێ د ڕێكخستنا سازیێن پێتڤی دا بۆ نههێلانا توندوتیژیێ و گرنگیدان و پشكداريكرنا ئافرهتێ د سازیێن جودادا كر.
گۆتژی: پێتڤیه سهرجهم سازیێن پهیوهندیدار كارو چالاكیێن زێدهتر ههبن، بۆ هندێ چ وهلاتیهك تووشی دیارده و كریارێن خراب نهبن و ههموو وهڵاتی و خێزان پێكڤه د هاريكار بن، نهبتنێ د شازده ڕۆژاندا بهلكۆ بهردهوام ل دژی توندوتیژیێ بن و خۆ ژێ دوور بكهن.
