ناڤەندا نووچەیان – سەما
د دیدارەکا تایبەت دا بۆ کەناڵێ سەما، “خالد نەرمۆ” سەرۆکێ باژێرڤانییا قەزا شێخان ڕاگەهاند، وەک نەریتەکێ ساڵانە و ب مەرەما زێدەکرنا ڕووبەرێ کەسکاتیێ، هەوا چاندنا داران ل سەنتەرێ قەزایێ و دەوروبەرێن وێ دەستپێکرییە.
هەماهەنگی و بیرەوەرییێن نەتەوەیی.. سەرۆکێ باژێرڤانییا شێخان ئاماژە ب وێ چەندێ کر کو ئەڤ چالاکییە ژ لایێ سەرۆکاتییا باژێرڤانیێ و ب هەماهەنگی دگەل لایەنێن حکومی و حزبی یێن پەیوەندیدار دهێتە ئەنجامدان.
گۆتژی: “ئەڤ هەوە ب هەلکەفتا بیرەوەرییێن نەتەوەیی و نیشتمانی یێن مەها ئادارێ و ساڵڕۆژا ژ دایکبوونا بارزانیێ نەمر، و ل دووڤ ڕێنمایێن حکومەتا هەرێما کوردستانێ هاتیە ڕێکخستن.
پاراستنا ژینگێ؛ ئارمانجا سەرەکی.. خالد نەرمۆ د بەردەوامییا ئاخفتنێن خۆ دا دیار کر کو ئارمانجا سەرەکی ژ ڤێ هەوێ، پاراستنا ژینگێ و جوانکرنا سیمایێ قەزا شێخانە ب زێدەکرنا داران و کەسکاتیێ، هەروەسا دا زانین کو حکومەتا هەرێما کوردستانێ د ساڵێن دوماهیێ دا گرنگییەکا تایبەت ب کەرتێ ژینگێ و چاندنا داران ل سەرانسەری هەرێمێ دایە.
جێیێ ئاماژێ یە کو قەزا شێخان ساڵانە د مەها ئادارێ دا چەندین چالاکییێن ژینگەیی و چاندنێ ئەنجام ددەت، دا کو هاوسەنگییا ژینگەیی ل دەڤەرێ بهێتە پاراستن.