ناڤەندا نووچەیان – سەما
ئیڕۆ ئینیێ، 5ی کانوونا ئێکێ 2025، میر حازم تەحسین بەگ، میرێ ئێزدیان ل کوردستان، عێراقێ و جیهانێ ل گەڵ جۆرجیۆس ئەلەمانۆس بالیۆزێ یۆنانێ ل عێراقێ کۆمبوو، ب هەڵکەفتا ب داوی هاتنا ئەرکێ وی.
ل دووڤ ڕاگەهاندنا نڤیسینگەها جڤاتا ڕۆحانی یا بڵند یا ئێزدیان، د دیدارێ دا، کو نیکۆلۆس ستێریولاس، کۆنسۆلێ گشتی یێ یۆنانێ ل هەرێما کوردستانێ و د. خەلەف شنگالی، شێوەرمەندێ سەرۆکوەزیرێن عێراقێ بۆ کاروبارێن ئێزدیان بەرهەڤبوون، میرێ ئێزدیان ئاماژە دا ڕۆلێ حکومەتا یۆنانێ بۆ پێشکێشکرنا هاریکاریان بۆ ئێزدیان ل دەمێ هێرشا داعش بۆ سەر دەڤەرێن ئێزدیان و ڤەکرنا دەرگەهێن خۆ هەمبەری پەنابەرێن ئێزدی د کاودانێن ب زەحمەتدا.
هەروەسا میرێ ئێزدیان سوپاسی و پێزانینێن خۆ ئاراستەی باڵیۆزی کرن، بۆ بزاڤێن کرین د دەمێ ئەرکێ خۆ دا بۆ دووڤچوونا کاروبارێن ئاوارەیان و دووبارە ڤەگەڕیانا وان بۆ سەر جھ و وارێن خۆ ڤە.
دیار ژی کر، پێدڤیە دۆزا ئێزدیان ل مەحافلێن نێڤدەوڵەتی، هەرێمی و ناڤخۆیی جهێ گرنگیپێدانێ بت.
ژ لایێ خۆ ڤە، باڵیۆزێ یۆنانێ هیڤی خواست کو ئاوارەیێن ئێزدی ڤەگەڕنە دەڤەرێن خۆ و داویێ ب کەیسا ئاوارەبوونێ بینن.
دووپاتکر، ئەو ل سەر پشتەڤانییا دۆزا ئێزدیان دێ دبەردەوام بن و ب ڕژدی لێگەریانا ڕەڤاندیێن ئێزدی بێتەکرن.