ناڤەندا نووچەیان – سەما
نڤيسينگهها مادا 140 ل شنگالێ ئاشكراكر، د سهرژمێرييا گشتى دا نادادپهروهرى ههمبهرى شنگالێ هاتيه كرن و ڕێژهيهكا كێم يا ئاكنجيێن شنگالێ ههژمارتينه و دێ كاريگهريێن خراپ ل سهر گوهۆرينا ديمۆگرافى ل دهڤهرێ ههبن.
ل گۆڕهى ئامارێن نڤيسينگهها مادا 140 ل شنگالێ، ل ساڵا 2013ڕێژهيا ئاكنجيێن شنگالێ 450 هزار كهسبوون و نوكه ل دووڤ ئامارا وهزارهتا پلاندانانا عێراقێ ڕێژهيا 50% يا ئاكنجييان هاتيه كێمكرن.
سفيان يوسف، بهرپرسێ نڤیسینگەها شنگال يا مادا 140 ل شنگالێ، بۆ سهما ڕاگههاند: ئهڤ سهرژمێرييا گشتى يا ژلايێ وهزارهتا پلاندانانا عێراقێ ڤه هاتيه كرن، ئهم مهندههۆش بووين، دڤێت جارهكا ئهڤ سهرژمێرى دووباره بێته كرن، ژبهركو نهدادپهروهرى و ستهم ههمبهرى خهڵكێ شنگالێ هاتيه كرن و ڕێژهيهكا كێم يا ئاكنجيێن شنگالێ ههژمارتينه.
وهكو سفيان يوسف دبێژت: بۆ ههموو لايهكى ب ڕۆنى دبێژين كو ههر بزاڤهكا گوهۆڕينا ناسنامه و ديمۆگرافيايا دهڤهرێن مه و ب تايبهت شنگالێ ڕهت دكهين و جهێ قهبوولكرنێ ژى نينه.
ناڤبرى ئاماژه ب وێ چهندێ دا، ئهم وهكو نڤيسينگهها شنگال يا دهڤهرێن كوردستانى يێن دهرڤهى ئيدارا ههرێما كوردستانێ، ئیدانەیا ئەڤێ نادادپەروەریێ دکەین کو ب سەر دهڤهرا مه دا دئێت، ئارمانج و ئەرکێ مه يێ سەرەکی پاراستنا ناسنامێ وژياتيا نیشتمانى و ئەڤه ژى مافهكێ دەستووری و ڕەوایێ مەیە.
د سهرژمێرييا نوو يا وهزارهتا پلاندانانا عێراقێ دا ڕێژهيا ئاكنجيێن شنگالێ 201000هزار كهسبوون و ڤێ چهندێ خهڵكێ ئهوێ قهزايێ دڵگرانكرن و خواستن ڕێژهيا ئهوان ب دروستى بێته دياركرن.
ل ڕێككهفتى 26-11-2025، ئهنجامێن سهرژمێرييا گشتى ژ لايێ وهزارهتا پلاندانانا عێراقێ ڤه هاتنه ڕاگههاندن.