ناڤهندا نووچهیان – سهما
ئيڕۆ ئێك شهمبوويێ، مير حازم تهحسين بهگ، ميرێ ئێزديان ل كوردستان، عێراقێ و جيهانێ سهرهدانا سەرۆكێ ڕەوتا حیكمە يا نیشتيمانی يا عێراقێ كر.
ڕاگههاندنا جڤاتا ڕۆحانى يا بلند يا ئێزديان دياركر، د ديدارێ دا ميرێ ئێزديان پيرۆزباهى ل عێراقێ كر ب ههموو پێكهاتهيان ڤه بۆ سهركهفتنا پڕۆسهيا ههڵبژارتنان و پهيوهنديێن ديرۆكى يێن ماڵباتا ميرێ وهغهركرى تهحسين سهعيد و ماڵباتا حهكيم پێكڤه گڕێددهن بهحسكر.
ههردوو ئاليان دوپاتى ل سهر گرنگيا پێكئينانا ئيدارا ناڤخۆيى ل شنگالێ ژبۆ ڤهگهڕيانا ئاوارهيان بۆ سهر جهـ و وارێن خۆ كر.
ژ لايێ خۆ ڤه عهمار حهكيم گۆت: ئهوا ب سهرێ ئێزديان دا هاتى برينهكا كوڕه و دێ بهردهوام بين ل سهر پشتهڤانييا دۆزا ئێزديان.
ههروهسا ميرێ ئێزديان خواست ل حكومهتا بێت يا عێراقێ ئێزديان نوونهرايهتيا دادپهروهرانه ههبت.
