ناڤەندا نووچەیان – سەما
ههڤپهيمانييا کریستیانان هۆشداریێ ژ ڕهوشا مەترسیدار يا کوردێن ئێزدی ل تاخێن شێخ مەقسوود و ئەشرەفییێ ل حەلەبێ ددهت و ڕادگەهينت، زێدهتر ژ ١٢٠٠ خێزانێن ئێزدی د ڕەوشەکا مرۆڤی یا کارەساتبار دانە و و داخوازێ ل جڤاكا ناڤدهولهتى دكهت ب زووترين دهم ب هانا وان بچن و ڕزگار بکەن.
ههڤپهيمانييا کریستیانان د بەیاننامەیەکێ دا كو ئاراستەی ڕایا گشتی يا جیهانێ، ئەنجوومەنێ ئاسایيش و کۆمکارا عەرەبی کريه، ب دلگرانيهكا مەزن ڤە دووڤچوونا پێشهاتێن مەترسیدار ل باژێرێ حەلەبێ دکەين، ب تایبەتی ل تاخێن شێخ مەقسوود و ئەشرەفیيێ، کو ب سەدان خێزانێن ئێزدی ل وێرێ دژین هاوارەکا بلەز گەهاندینە و تێدا هۆشداریێ ژ مەترسیێن مەزن ل سەر ژیانا خۆ ددەن، ژ ئەنجامێ کۆچبەرکرنا ب زۆری و دۆرپێچكرن و تۆپبارانکرنا ههرهمهكى ل سەر تاخێن ئاکنجیبوونێ.
دهقێ ههڤپهيمانييا کریستیانان:
بۆ ڕایا گشتی یا جیهانی
بۆ جڤاتا ئاسایشا نێڤدەولەتی و کۆمەکا وەڵاتێن عەرەبی
هەڤپەیمانیا مەسیحی ب نێگەرانیەکا مەزن ڤە دویڤچوونا پێشهاتێن مەترسیدار ل باژێرێ حەلەبێ دکەت، ب تایبەتی ل تاخێن (شێخ مەقسوود و ئەشرەفیە)، کو ب سەدان خێزانێن ئێزدی یێن ل وێرێ دژین هەوارەکا بلەز گەهاندینە و تێدا هۆشداریێ ژ مەترسیێن مەزن ل سەر ژیانا خۆ ددەن، ژ ئەنجامێ کۆچبەرکرنا ب زۆری و گەمارۆدان و تۆپبارانکرنا بێسەروبەر ل سەر تاخێن ئاکنجیبوونێ.
ل دویڤ وێ هەوارێ، پتر ژ ١٢٠٠ خێزانێن ئێزدی د ڕەوشەکا مرۆڤی یا کارەساتبار دانە، دگەل زێدەبوونا نیشانان ل سەر ئەگەرێ روویدانا پێشێلکاریێن بەرفرەهـ کو دگەنە ئاستێ تاوانێن جەنگی یان پاوانکرنا ڕەگەزی (تطهير عرقي)، د سۆبەکا نەبوونا پاراستنێ و نەبوونا ڕێڕەوێن تەناهی دا.
*ئێك: داخوازەکا بلەز بۆ ڕاگرتنا پێشێلکاریان و پاراستنا سڤیلان*
هەڤپەیمانیا مەسیحی داخوازێ ژ جڤاکێ نێڤدەولەتی دکەت، ب سەرپەرشتیا:
* جڤاتا ئاسایشا نێڤدەولەتی
* کۆمەکا وەڵاتێن عەرەبی
* ئێکەتیا ئەوروپا
* کۆمسیۆنا مافێن مرۆڤی
* ڕێکخراوێن نەتەوەیێن یەکگرتی
کو ب زوترین دەم دەستێوەردانێ بکەن بۆ:
١. ڕاگرتنا کارێن سەربازی و تۆپبارانکرنا بێسەروبەر ل ناڤ تاخێن ئاکنجیبوونێ، و نەگوهۆرینا دەڤەرێن سڤیل بۆ گۆرەپانێن شەڕی.
٢. دابینکرنا ڕێڕەوێن مرۆڤی یێن تەناهی بۆ قورتالکرنا سڤیلێن گەمارۆدای.
٣. فشارێن دیپلۆماسی یێن جدی ل سەر ئالیێن شەڕکەر بۆ ڕاگرتنا پێشێلکاری و پێکدادانێن چەکداری.
٤. هنارتنا تیمێن لێکۆلینێ یێن نێڤدەولەتی یێن بێلایەن بۆ دیفچوونا ڕاستیان و تۆمارکرنا پێشێلکاریان.
٥. گەرهنتیکرنا پاراستنا خێزانێن ئێزدی و ڕێگریکردن ل دووبارەبوونا هەر سیناریۆیەکا وەک جینۆسایدێ.
*دوو: هۆشداری دان ژ ئەنجامێن کارەساتبار ل سەر ئاسایشا دەڤەرێ*
هەڤپەیمانیا مەسیحی هۆشداریێ ددەت کو بەردەوامبوونا خراببوونا ڕەوشا مرۆڤی دێ بیتە ئەگەرێ:
* پێلێن نوی یێن ئاوارەبوون و کۆچبەریێ.
* هەلوەشیانا جڤاکی.
* بەلاڤبوونا پشێوی و توندڕەویێ.
* گەف ل سەر سەقامگیریا دەڤەرێ.
و جەختێ ل سەر وێ چەندێ دکەت کو هەر ئارمانجکرنا سڤیلان ب ئەگەرێ ناسنامەیا وان یا ئایینی یان نەتەوەیی، ب تاوان دژی مرۆڤایەتیێ دهێتە هەژمارتن و پێدڤی ب لێپرسینا نێڤدەولەتی دکەت ب گۆرهەی پەیماننامێن نەتەوەیێن یەکگرتی و رێککەفتنێن جنێف.
*سێ: هەڤسۆزیا تەمام دگەل ئێزدیان و هەمی قوربانیان*
هەڤپەیمانیا مەسیحی هەڤسۆزیا خۆ یا بێ مەرج دگەل خێزانێن ئێزدی یێن گەمارۆدای ڕادگەهینیت، و نێگەرانیا خۆ یا مەزن دیار دکەت ژ دووبارەبوونا کارەساتێن رابردوی، کو تێدا سڤیل ببوونە ئارمانجا ئێکسەر یا وان ململانێێن کو چو پەیوەندی ب وان ڤە نەیی.
هەروەسا، ئەم بلند هەلسەنگاندنێ بۆ هەلوەستێ مرۆڤایەتی یێ ڕوون دکەین یێ کو سەرۆک مەسعود بارزانی د بەیاننامەیا خۆ یا دوماهیێ دا جەخت ل سەر کری، کو تێدا دیار کربوو کو نابیت ناكۆكیێن سیاسی ببنە ئەگەر بۆ خستنا ژیانا سڤیلان د مەترسیێ دا یان بۆ ئەنجامدانا پاوانکرنا ڕەگەزی.
*چار: داخواز بۆ چارەسەریێن ئاشتیانە و دیالۆگێ*
هەڤپەیمانیا مەسیحی داخوازا خۆ بۆ هەمی ئالیێن سووری نوو دکەتەوە کو پابەند بن ب:
* بژارەیا دیالۆگێ.
* ڕێزگرتن ل مافێن هەمی پێکهاتان.
* دوورکەفتن ژ توندوتیژیێ ئەوا خزمەتا چو تشتان ناکەت ب تنێ پشێوی و توندڕەویێ نەبیت.
هەروەسا جەختێ ل سەر پێدڤیا دیتنا چارەسەریەکا سیاسی یا گشتگیر دکەین کو سەقامگیری و مافێن کێمایەتیان بپارێزیت و هەر بزاڤەکا گوهۆرینا دیمۆگرافی یا ب زۆری قەدەغە بکەت.
*پێنج: بانگەوازەک بۆ ویژدانێ مرۆڤایەتی یێ جیهانی*
هەڤپەیمانیا مەسیحی د ڤێ گاڤا هەستیار دا دەنگێ خۆ بلند دکەت و دبێژیت:
خێزانێن ئێزدی قورتال بکەن بەری دەم بوری بیت.
تۆپباران و گەمارۆدانێ ب زوترین دەم ڕابگرن.
سڤیلان ژ مەترسیا جینۆسایدێ بپارێزن.
دەم خلاس دبیت، و مەترسی بەرەف زێدەبوونێ دچیت، و ویژدانێ مرۆڤایەتی د تاقیکردنەکێ دایە ل هەمبەر کارەساتەکا مرۆڤی یا نوی کو ل بەر چاڤێن جیهانێ دروست دبیت. خوشک و برایێن مە یێن ئێزدی بەری دەهـ سالان ڕووبڕووی پاوانکرنا ڕەگەزی و جینۆسایدەکا خویناوی ب دەستێ تاقمێن تیرۆرستی یێن داعش ببوون، و هەتا نوکە برینا ئێزدیان دخوینیت. پێدڤیە جڤاکێ نێڤدەولەتی سنوورەکێ دوماهیێ بۆ ئازارێن گەلێ ئێزدی یێ ئاشتیخواز دابنێ، و نەکریت جیهان تەماشەڤان بیت ل سەر گەلەکێ کو ژ ڕەگ و ڕیشالێن وی دهێتە هەلکێشان و ڕووبڕووی پێشێلکاریێن مرۆڤی یێن دژوار دبیت.
*هەڤپەیمانیا مەسیحی*
*٨ / ١ / ٢٠٢٦*