ناڤەندا نووچەیان – سەما
ئالان حەمە سەعید، وەزیرێ پەروەردێ یێ حکومەتا هەرێما کوردستانێ، بڕیارەکا نوو سەبارەت ب گوهۆڕینێن د بەرگێ پەرتووکێن خواندنێ بۆ سالابێت ڕاگەهاند.
ئیرۆ پێنج شەمبوویێ، 29ــی کانوونا دووێ 2026ـ، وەزیرێ پەروەردێ یێ حکومەتا هەرێما کوردستانێ د ڕاگەهاندنەکێدا دیارکر،” بڕیار هاتە دان وێنەیێ دو زارۆکێن نیشتیمانپەروەر یێن کورد ل سەر بەرگێ پەرتووکان بۆ سالا بێت یا خواندنێ بێنە چاپکرن.”
ئالان حەمە سەعید، وەزیرێ پەروەردێ یێ حکومەتا هەرێما کوردستانێ ئاماژە کریە،”مە بڕیار دا، وێنەیێ ئەڤان دو زارۆکان کو نیشانا ئاستەکێ بلند یێ نیشتیمانپەروەری و ڤیانا کوردستانێنە، بێخینە سەر بەرگێ پەرتووکێن خواندنێ بۆ سالا خواندنێ یا بێت و بێنە چاپکرن.”
وەزیرێ پەروەردێ گۆتیە: “وێنەیێ زارویێ خودان پێدڤییێن تایبەت ل هەولێرێ، دێ ل سەر بەرگێ پرتووکا کوردیێ یا پۆلا شەشێ بنەرەتی و یێ زارویێ (دوو سال و سێ هەیڤی) ل سلێمانیێ، دێ ل سەر بەرگێ پرتووکا کوردیێ یا پۆلا ئێکێ بنەرەتی هێنە دانان.”
هەروەسا دیارکریە، ئەڤی بابەتی ڕامانەکا کوور ل سەر پەروەردەکرنا نیشتیمانییا نفش ل دووڤ نفشی هەیە.